web counter
LEXO PA REKLAMA!

SHKARKO APP

App Store
Google Play

Basha ngre alarmin/ Tregu shqiptar i prodhimit të mobiljeve thuajse i paralizuar plotësisht

6 Tetor 2020, 15:44, Politikë CNA

Kryetari i Partisë Demokrattike Lulzim Basha, takoi sot prodhuesit e mobiljeve në Nikël të Fushë-Krujës, ku punësohen qindra banorë të zonës.

Basha ngre akuzat se asnjë ndihmë nga shteti nuk ka arritur tek këta eksportues të rëndësishëm të goditur rëndë nga kriza dhe pandemia.

Kreu i opozitës pretendon se tregu shqiptar i këtij sektori është thuajse i paralizuar plotësisht, ndërsa tregon se ka prezantuar sërish pikat e planit ekonomik të PD-së.

?Gjatë takimit prezantova dhe pikat e Planit tonë të Rimëkëmbjes që kanë pikërisht këtë qëllim: të ndalet kolapsi i plotë i ekonomisë.

– Zgjatja e afatit dhe zgjerimi i kritereve të përfitimit nga garancia sovrane në favor të një numri më të madh biznesesh prodhuese;

– Vendosja e një tavani prej 2% të normës së interesit për biznesin dhe subvencionimi i çdo norme interesi mbi këtë nivel për kredimarrjet për investime dhe shpenzime operative;

– Mbështetja e biznesit me një pagesë mujore prej 200 mijë lekësh për 6 muajt e ardhshëm për çdo punëtor që rimarrin në punë;

– Subvencionim i 50% të qirasë ose heqje e taksës së pronës për biznesin prodhues dhe punëdhënësit e mëdhenj;

– Çeku prej 1000 euro për biznesin e vogël për 6 muajt e ardhshëm për të zbutur barrën e pagesave më urgjente;

– Pagesa mujore prej 160 mijë lekësh për çdo shqiptar që ka humbur punën dhe shtesa mujore prej 20 mijë lekësh për çdo pensionist për 6 muajt e ardhshëm.

Këto masa janë urgjente për rimëkëmbjen e ekonomisë, për rikthimin e biznesit në shinat e normalitetit dhe zhvillimit. Plani ynë për 6 muajt e ardhshëm është rruga e vetme për të shmangur rritjen e mëtejshme të numrit të të papunëve dhe falimentimin masiv të biznesit. Çdo lek sot duhet të shkojë për mbështetjen e biznesit dhe qytetareve dhe jo për koncesione e PPP korruptive?, shkruan ai në rrjetet sociale./ CNA.al





Lajmet e fundit nga