web counter
LEXO PA REKLAMA!

SHKARKO APP

App Store
Google Play

Futbollisti i Tiranës merr pasaportën shqiptare, ja çfarë thotë ligji për këtë rast

5 Tetor 2020, 19:02, Sport CNA

Uinful Kobina ka marrë shtetësinë shqiptare falë nenit 9, pika 1 të ligjit 113, viti 2020 për shtetësinë. Në këtë nen saktësohet se presidenti ka të drejtë të japë shtetësinë për një shtetas të huaj nëse hyn te rastet e veçanta.

Ja çfarë thotë neni 9: ?1. Shtetësia shqiptare mund të fitohet nga shtetasi i huaj që ka mbushur moshën 18 (tetëmbëdhjetë) vjeç kur nuk përbën kërcënim për rendin publik dhe sigurinë kombëtare të Republikës së Shqipërisë, edhe në rastet kur Republika e Shqipërisë ka interes kombëtar apo interes në fushën e arsimit, shkencës, artit, kulturës, ekonomisë e sportit?.

Deri këtu në rregull dhe në këtë rast nuk merren parasysh kërkesat e të njëjtit ligj në nenin 8. ?1. Shtetësia shqiptare fitohet me natyralizim nga i huaji që ka paraqitur kërkesë dhe plotëson kushtet e mëposhtme: a) ka mbushur moshën 18 (tetëmbëdhjetë) vjeç; c) qëndron në mënyrë të ligjshme dhe ka banuar për një periudhë të vazhdueshme për jo më pak se 7 (shtatë) vjet në territorin e Republikës së Shqipërisë, si dhe ka përfituar leje të përhershme qëndrimi, të vlefshme në momentin e paraqitjes së kërkesës, sipas ligjit për të huajt; dh) nuk ka qenë i dënuar me vendim gjyqësor të formës së prerë në shtetin e vet, në Republikën e Shqipërisë ose në ndonjë shtet të tretë për vepra penale, për të cilat ligji shqiptar parashikon dënime me jo më pak se 3 (tri) vjet heqje lirie.

Përjashtim nga ky rregull bëhet vetëm në ato raste kur vërtetohet se dënimi është dhënë për motive politike; e) zotëron njohuri të gjuhës shqipe, të folur e të shkruar, të vërtetuar nga institucioni përkatës arsimor, si dhe njohuritë bazë të historisë së Republikës së Shqipërisë, sipas rregullave të përcaktuara nga institucionet e arsimit të lartë;

ë) nuk përbën kërcënim për rendin publik dhe sigurinë kombëtare të Republikës së Shqipërisë?. Shkurt, Presidenti i Republikës ka zbatuar ligjin.





Lajmet e fundit nga