E fundit!

19:06 Aktualitet

Mbahet protesta e 27-të kundër qeverisë, qytetarët drejt Kryeministrisë

Këtë të premte po mbahet në Tiranë protesta qytetare e 27-...

Laçi: Dua të jem gjithnjë titullar në kombëtare, shkojmë në Europian

5 Tetor 2020, 12:59, Sport CNA

Mesfushori i Kombëtares, Qazim Laçi, që aktivizohet në Ligën 2 të Francës, me skuadrën e Azhakso, ishte prezent ditën e sotme në konferencën për shtyp në prag 2 ndeshjeve të vlefshme për Ligën e Kombeve ndaj Kazakistanit dhe Lituanisë, ku u shpreh:

EMRAT E RINJ NË KOMBËTARE- Do të jetë shumë interesant ky grumbullim, pasi mungojnë shumë lojtarë me eksperiencë. Lojtarët e rinj që kanë ardhur tani, kanë dhënë maksimumin nëpër ekipet që luajnë dhe prandaj janë thirrur nga trajneri. Besoj do të jetë një grumbullim i mirë. Këtë gjë duhet ta tregojmë në fushë.

DEBUTIMI NDAJ LITUANISË- Debutimi me Lituaninë, nuk ishte ai që kisha në mendjen time. Nuk fituam dhe ekipi nuk bëri një performancë të mirë. Shpresoj që çdo herë të jem titullar me ekipin kombëtar. Kjo është zgjidhja e trajnerit. Unë çdo herë do të jap maksimumin. Edhe tek ekipi kombëtar edhe tek klubi, për të qenë gjithmonë i gatshëm.

SKEMA 3-5-2 ? Sistemet e lojës, janë zgjedhje të trajnerit. Ne duhet të jemi gati për çdo zgjedhje të trajnerit, për të përballuar këtë sistem. Ne duhet vetëm të japim maksimumin në fushë me çdo lloj skeme.

KAMPIONATI FRANCEZ DHE FORMA ? Kampionati në Francë është shumë i mirë. Kam 4 vite atje dhe ndihem shumë mirë. Nuk e kam në mendje të lëviz dhe me ekipin jam shumë mirë. Ndaj Lituanisë nuk e kishim parashikuar këtë humbje me këtë performancë. Nuk e priste asnjë njeri. Ndoshta e morëm pak më lehtë ndeshjen sepse kujtuam që do të fitonim. Të gjitha ndeshjet do të jenë shumë të forta. Ne do të japim maksimumin për të marrë më shumë pikë. Ky është objektivi jonë.

CILËSITË PËR EURO 2024 ? Sigurisht që ekipi i ka cilësitë. Kemi shumë lojtarë. Ekipi ka një shans shumë të madh. Ne duhet të japim maksimumin në fushë. Do të nxjerrim mësim nga humbja me Lituaninë. Në ndeshjet e tjera do të jemi më të kujdesshëm.

KOMUNIKIMI ME REJËN ? Sigurisht që kemi komunikuar kur erdha në fillim. Para ndeshjes me Lituaninë më ka folur më ka shpjeguar disa gjëra që pret nga unë dhe për sistemin që do luajmë me ekipin. Trajneri nuk ka kohë të bisedojë me të gjithë lojtarët. Çdo lojtar kur vjen këtu është më i përqendruar për ndeshjet. Të gjitha këshillat e trajnerit duhet t?i zbatojmë në fushë.