web counter
LEXO PA REKLAMA!

SHKARKO APP

App Store
Google Play

E fundit!

x

"Futbolli nuk është tenis", Strakosha befason me deklaratën pas Interit

5 Tetor 2020, 09:42, Sport CNA

Lacio dhe Interi ndanë nga një pikë në ndeshjen e ditës së djeshme në Olimpico. Sfida u mbyll 1-1, ndërsa menjëherë pas sfidës ka dhënë mendimin e tij rreth 90 minutëshit, Tomas Strakosha. Gardiani i kombëtares thekson se duhet të luajnë në grup, pasi ky sport nuk është tenis. Strakosha këmbëngul se duhet të kthehet Lacio e para pandemisë së koronavirusit.

?Në pjesën e parë nuk ishim të qartë dhe nuk luajtëm siç dimë ne. Në pjesën e dytë mblodhëm forcat dhe ndoshta meritonim diçka më shumë. Duhet të qetësohemi, përqëndrohemi dhe të bashkohemi si një grup e të kthehemi ata që ishim para pandemisë. Më kujtohen ndeshjet e kaluara kur kemi qenë në vështirësi, por tani ndjehet shumë. Kështu, duhet të flasim më pak në fushë dhe të jemi më konstruktivë. Duhet të luajmë në grup sepse ky sport nuk quhet tenis. Jam i përqëndruar për të ndihmuar më shumë skuadrën, por duhet të jemi më pozitivë sepse ne kualitetet i kemi.

Goli? Më kapi në kundërkohë, ishte me fat dhe unë mund të bëja më mirë. Tashmë kaloi dhe duhet të mendojmë për ndeshjen tjetër. Por, ka hidhërim sepse kemi pësuar shumë gola, unë e di që mund të bëj më mirë. Duhet të qëndroj i qetë sepse duke menduar për golat e pësuar, nuk të ndihmon aspak?, u shpreh Strakosha.





Lajmet e fundit nga