web counter
LEXO PA REKLAMA!

SHKARKO APP

App Store
Google Play

E fundit!

x

Besnik Mustafaj kritikon Bashën/ S’duhet të hiqte dorë nga qeveria teknike, Rama mund të përçajë opozitën

1 Tetor 2020, 16:42, Politikë CNA

Ish-ministri i Jashtëm, njëkohësisht anëtari i Komisionit të Përzgjedhjes së Kandidaturëve për deputet në Partinë Demokratike, Besnik Mustafaj, pretendon se kryeministri Edi Rama e ka të sigurt humbjen e zgjedhjeve nëse mbahen koalicionet.

Mustafaj tha në News 24 se Rama po tenton të heqë koalicionet pikërisht për këtë gjë, ndërsa kritikoi edhe opozitën pse hoqi dorë nga qeveria teknike.

?Këshilli Politik ende është pa dakordësi mes palëve. Edi Rama nuk do të lëshojë për koalicionet. Koalicioni do e mundte Ramën. Situata për Reformën Zgjedhore më duket jashtëzakonisht kritike. Paraqitja e draftit nga PS ishte pretekst. Opozita ka hequr dorë nga kërkesa kryesore, krijimi i një qeverie teknike.

Pra, heqja e mundësisë së Edi Ramës për të manipuluar zgjedhjet. PD nuk duhet të lëshonte nga kërkesa, duke njohur kundërshtarin. Partia Demokratike pranoi Damian Gjiknurin për Reformën Zgjedhore, që ka dosje për blerje votash. PD gjendet në pamundësi për të parë drejtësi?, u shpreh ai.

Sipas tij, kreu i qeverisë mund ta përçajë opozitën duke blerë deputetët e saj.

?ODIHR është një arbitër i pranuar nga të gjitha palët. Në fund të lojës, PS rrëzon arbitrin. Rama mund ta përçajë opozitën edhe pa ndërhyrë në Kodin Zgjedhor. Ai e përçan opozitën duke blerë deputetë të opozitës parlamentare, siç thuhet. Edhe ikja e opozitës parlamentare, që e la sallën e Kuvendit, sepse ndoshta ka kuptuar se Edi Rama është mashtrues. Do shihet nëse Rama do i përdorë këta deputetë opozitarë parlamentarë në vazhdim?, theksoi Mustafaj./ CNA.al





Lajmet e fundit nga