Procesi skandaloz i Bashës në Shkodër/ Zbulohen emrat, kush janë kandidatët më të kontestuar nga demokratët

1 Tetor 2020, 10:40, Politikë CNA

Prej disa kohësh Partia Demokratike ka nisur një process të përzgjedhjes së kandidatëve për deputetë, ku u propozuan 4 mijë emra, 3100 prej të cilëve u hoqën me një të rënë të lapsit dhe mbeten 900 emra. Të paktën kështu thuhet zyrtarisht nga Republika e re, sepse numri mund të jetë edhe më i vogël.

Por, ndërsa procesi ka përfunduar në disa degë të PD-së, ajo që bie në sy është ajo që CNA.al e ka raportuar më parë, se Basha kërkon të rikonfirmojë listën e 2017-ës. Një fakt i tillë është provuar edhe dje në Shkodër.

Dje PD njoftoi se ka përfunduar procesi i selektimit në Shkodër. Sipas njoftimit zyrtar, 23 emrat e propozuar janë konfirmuar si kandidatë të mundshëm për deputet dhe kryetar bashkie nga anëtarësia e PD-së.

Ajo që bie në sy në këtë listë janë edhe emrat e ish-deputetëve Bardh Spahia, Izmira Ulqinaku, apo edhe kryebashkiakja në detyrë Voltana Ademi. (Lexo këtu)

Por, ?dardha e ka bishtin prapa?.

Burime për CNA.al bëjnë të ditur se procesi është manipuluar nga grupi i numërimit të Lulzim Bashës, i cili kryesohet nga Sekretari i Përgjithshëm, Gazment Bardhi, dhe anëtarët që e shoqërojnë, Lulzim Omuri, Benard Banushi, Erion Sula dhe Burhan Misiraj.

Burime për CNA.al bëjnë të ditur se Bardh Spahia ka marrë më shume vota kontestuese, 420 vota. Voltana Ademi ka marrë 320 vota kontestuese dhe Greta Bardeli 280.

Kanë marrë vota kundër edhe Lorenc Luka 270, Ramiz Çobaj, 270 dhe Xhemal Bushati 150 vota kundër, Helidon Bushati 150 vota kundër, Arben Gjuraj dhe Bashkim Rroji nga 140 vota kontestuese.

Ajo që ka ndodhur dje në Shkodër është skandali i radhës pas shumë të tjerave.

Po të shohësh shifrat e shpërndara, janë të gjitha të rrumbullakosura, 420, 320, 280, 270, 250. Asnjëri nuk ka marë 124, 425, 287. Pra, ajo që bie në sy është se shifrat janë të rrumbullakosura.

Së dyti, është rritur në mënyrë fiktive pjesëmarrja, pasi Bardh Spahia dhe Voltana Ademi digjeshin. Që të mos kapej 20%, ka rritur pjesëmarrjen në rreth 2700 vota, kur në fakt kanë votuar gjysma e këtij numri dhe sipas këtyre të dhënave shifrat kontestuese, mund të largonin Bardh Spahinë dhe Voltana Ademin, të parët.

Më tej, Greta Bardeli, Lorenc Luka dhe deri tek Ramiz Çobaj.

Për të shmangur goditjen e ish-deputetëve, drejtuesve lokale, ish-kryetarëve të degës, dhe një konflikt që mund të lindte, e cila do ta çante përfundimisht degën e PD-së në Shkodër, Lulzim Basha ka zgjedhur të gënjejë publikisht demokratët.

Ai ka përdorur grupin e tij të manipulimit, duke rritur artificialisht pjesëmarrjen.

Shkodra është një nga rastet e shumta, por më flagranti i manipulimit. Që tregon se procesi nuk është transparent, nuk është i vërtetë. Demokratët votojnë, dhe Gazment Bardhi i numëron me ekipin e tij. Dhe më pas nxjerr shifrat që atij i interesojnë apo urdhërin që ka marrë nga qendra, duke bërë atë që CNA.al e ka thënë që në fillim se ky proces do të jetë thjeshtë dhe vetëm konfirmimi i ?elitës? së zgjedhur nga Lulzim Basha në listat e 2017-ës, me ndonjë korrigjim të vogël dhe çdo votë e demokratëve që hidhet, duket se tashmë është e manipuluar.

Shifrat flasin vetë. Faktet janë kokëforta, dhe Shkodra është një nga rastet më flagrante.

CNA.al do të sjellë skandalin e manipulimit të votave në Has, në Kukës, në Dibër, në Gjirokastër e Berat./ CNA.al

Procesi skandaloz i përzgjedhjes së kandidatëve të PD/ Dalin skenarët e parë

Procesi skandaloz i Bashës