web counter
LEXO PA REKLAMA!

SHKARKO APP

App Store
Google Play

Duka e pranon/ Nuk isha dakord të digjnim mandatet, mu dukte sikur po minoja aksionin

30 Shtator 2020, 21:02, Politikë CNA

?Unë jam një aleat besnik i PD?. Kështu e cilësoi veten kreu i Partisë Agrare Ambientaliste Agron Duka.

Ndonëse më parë ai kishte lënë të nënkuptuar se nuk ishte dakord me djegien e mandateve, sot e pranoi publikisht se mori këtë vendim drastik për të mos u ndarë nga turma.

?Unë s?kam qenë dakord me djegien e mandateve megjithatë kam pranuar se nëse PD djeg mandatet edhe ne do i djegim.

Mua mu dukte sikur po minoja aksionin opozitar me qëndrimin tim. Nga ana tjetër në përgjithësi është munduar Basha që ne t?na informojë me veprimet e opozitës, por sa peshë kemi ne kjo dihet?, theksoi Duka në emisionin ?Arena? në Ora News.

Ndërkohë, për propozimet e ndryshimeve në Kodin Zgjedhor, aleati i Lulzim Bashës tha se po prishen të gjitha rregullat e lojës dhe po masakrohen partitë e vogla.

?Sipas meje, ato që unë komunikoj sepse ne e kemi për detyrë të komunikojmë me publikun, ata ndjehen të fyer dhe të tradhhëtuar me këtë kod, sepse me gjitha mënyrat kanë shprehur dëshirën që njerëzit të votohen dhe jo të jenë të nominuar nga kryetarët e partive dhe përfundimi me këtë draft situata do të jetë e njëjtë, partitë e vogla masakrohen sepse po prishen të gjitha rregullat e lojës. Partitë e vogla ndjehen të pafuqishëm për të përballuar këtë garë në mënyrë të ndershme?, nënvizoi Duka./ CNA.al





Lajmet e fundit nga