E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

CNA zbuloi skandalin për BMW-në luksoze/ PD thirrje SPAK: Heto abuzimet e Lleshajt

30 Shtator 2020, 16:24, Politikë CNA

CNA.al prej rreth një muaji ka publikuar një skandal të padëgjuar më parë, ku është përfshirë Ministri i Brendshëm, Sandër Lleshaj.

CNA.al ka treguar sesi Policia e Shtetit ka blerë një mjet luksoz, për Oficerin e Kontaktit në Ambasadën Shqiptare në Gjermani, por më pas mjeti me procedura ekstraligjore është sjellë në vendin tonë, i janë vënë targa false dhe me të shëtit rrugëve të Shqipërisë, ministri i Brendshëm, Sandër Lleshaj.

Por nuk përfundon me kaq, pasi CNA.al zbuloi edhe se mjetit BMW, i cili deri pak kohë më parë ka mbajtur targën AA 976 UT, tashmë i janë ndryshuar targat, në AB 395 BC.

Pas disa javësh që CNA.al ka denoncuar skandalin, ka ardhur edhe reagimi i Partisë Demokratike. PD e përfaqësuar nga ish-deputeti Xhemal Gjunkshi, kërkon dorëheqjen e ministrit të Brendshëm.

Gjithashtu Gjunkshi deklaron se duhet shkarkuar i gjithë zinxhiri i Komandimit dhe Drejtimit të Drejtorisë së Qarkullimit Rrugor nga ana e Drejtorit të Pergjithëm të Policisë së Shtetit dhe duhet nisur hetimi i menjëhershëm nga ana e SPAK, për të gjitha shkeljet , abuzimet, mashtrimet mbi mënyrën e blerjes së Mjetit Tip BMW në Gjermani.

?Ministri Brendshëm Lleshaj pranon fajin! Dorëhiqu!

Të nderuar qytetarë! Sot ndodhemi përballë një fakti tronditës, aspak të besueshëm, por mëse të vërtetë! Ministri i Brendshëm me vetëdije të plotë, duke bërë dhe rolin e budallait, të paditurit ka qarkulluar me mjetin e ri Tip BMË me targa false.

Deri dje i njëjti mjet ka lëvizur me Targë AA 976 UT, Sot po i njëjti mjet mban Targën; AB 395 BC

Ministri Lleshaj ka dhënë shembullin personal duke shkelur këto Nene të ligjit 8378 date 22.07.98 Kodi rrugor:

Neni 99

Targat e regjistrimit për automjetet, motomjetet dhe rimorkiot

12. Cilido që qarkullon me një mjet të pajisur me një targë që nuk është e vetja ose është e falsifikuar, ndëshkohet me masë administrative me gjobë nga njëzet e pesë mijë deri në njëqind mijë lekë.

14. Cilido që falsifikon, ndryshon ose ndërron targën automobilistike apo përdor targa të modifikuara, të falsifikuara a të ndërruara, kur nuk përbën vepër penale, ndëshkohet me masë administrative me gjobë nga njëzet e pesë mijë deri në njëqind mijë lekë.

15. Për shkeljet e parashikuara në pikën 12 zbatohet masa administrative plotësuese e konfiskimit të mjetit.

Neni 100:

Prodhimi, shpërndarja, kthimi dhe tërheqja e targave….

3. Cilido që prodhon ose shpërndan në mënyrë abuzive targa për automjete, motomjete dhe rimorkio, ndëshkohet, kur kjo shkelje nuk përbën krim, me masë administrative me gjobë nga njëzet e pesë mijë deri në njëqind mijë lekë dhe zbatohet edhe masa administrative plotësuese e konfiskimit të targave.

Për këtë arsye Ministri i Brendshëm duhet të dalë; Para Komisionit Vlerësues për Masat Administrative.

Në këto kushte kur; Policia e Shtetit drejtohet nga një Ministër i Papërgjegjshëm, mashtrues, kur strukturat e Policisë së Shtetit janë të lidhura me krimin dhe me grupe të strukturuara kriminale kërkoj;

1. Dorëheqjen e Ministrit Rendit!

2. Shkarkimin e të gjithë zinxhirit te Komandimit dhe Drejtimit të Drejtorisë së Qarkullimit Rrugor nga ana e Drejtorit të Pergjithëm të Policisë së Shtetit !

3. Hetim i menjëhershëm nga ana e SPAK, për të gjitha shkeljet , abuzimet, mashtrimet mbi mënyrën e blerjes së Mjetit Tip BMW në Gjermani.

Këta përveç se të paaftë, të korruptuar, gjobvënës, kanë lejuar me dashje që Ministri i tyre të shkelë ligjin me Katër këmbë. Poshtërsitë dhe palaçollëqet e këtij ministri dhe të Kryegënjeshtarit nuk kanë të ndalur. Këta nuk kanë fytyrë, nuk kanë cipë, nuk kanë moral. Kabinetit të Qeverisë Rama u kanë plasur ujrat e zeza. Mbajnë era qelbësirë?, shkruan demokrati në rrjetet sociale./ CNA.al

Gonxhja e pranon/ Lleshaj qarkulloi me targa false

SKANDALI/ DPSHTRR fshehu të dhënat për BMW-në e Lleshajt

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

Skandali me BMW-në luksoze të Sandër Lleshajt/ Makina qarkullon me targa falso

Skandali me BMW-në 100 milionëshe të Sandër Lleshajt/ Mjeti qarkullon pa siguracion

Skandali me makinën 100 milionëshe/ Tre faktet që akuzojnë Sandër Lleshajn

Zbulohen detaje të reja nga skandali i makinës 100 milionëshe të Sandër Lleshajt

Thellohet skandali me makinën 100 milionëshe/ Lleshaj ?kyç? gojën, asnjë reagim për mjetin luksoz