Gonxhja e pranon/ Lleshaj qarkulloi me targa false

30 Shtator 2020, 12:09, Politikë CNA

CNA.al prej rreth një muaji ka publikuar një skandal të padëgjuar më parë, ku është përfshirë Ministri i Brendshëm, Sandër Lleshaj.

CNA.al ka treguar sesi Policia e Shtetit ka blerë një mjet luksoz, për Oficerin e Kontaktit në Ambasadën Shqiptare në Gjermani, por më pas mjeti me procedura ekstraligjore është sjellë në vendin tonë, i janë vënë targa false dhe me të shëtit rrugëve të Shqipërisë, ministri i Brendshëm, Sandër Lleshaj.

Në lidhje me skandalin në fjalë, CNA.al në datën 28.08.2020, CNA.al i është drejtuar me një shkresë zyrtare Drejtorisë së Përgjithshme të Shërbimeve të Transportit Rrugor, ku kërkojmë të na vihet në dispozicion dosja e plotë e regjistrimit të mjetit, I cili në atë kohë mbante targën AA 976 UT.

Në letrën e parë, drejtuar CNA.al e cila mban firmën e nëndrejtorit Endri Haxhiu, jepet një përgjigje qesharake, ku thuhet se ?nuk mund të japim të dhëna personale të shtetasve pa pëlqimin e tyre?.

Ndërkohë, sot në redaksinë e CNA.al ka ardhur një tjetër shkresë nga Drejtoria e Përgjithshme e Shërbimeve të Transportit Rrugor, e cila mban firmën e Drejtorit të Përgjithshëm, Blendi Gonxhja.

Në shkresën drejtuar CNA.al drejtori Gonxhja, shkruan se ?Targa AA 976 UT i është dhënë Policisë së Shtetit përmet Portokolleve përkatëse?.

Pra, Blendi Gonxhja shprehet i qartë dhe i saktë, ashtu siç CNA.al është shprehur në denoncimin e bërë prej një muaji.

Në letrën e tij Gonxhe thekson se targa AA 976 UT, e cila ishte vendosur në BMW-në luksoze të Sandër Lleshajt i përkiste Policisë së Shtetit, ashtu sikundër ne kishim deklaruar. Që mjeti është blerë nga Policia e Shtetit, për Oficerin e Kontaktit në Ambasadën Shqiptare në Gjermani. Më pas është sjellë në Shqipëri me procedura ekstraligjore dhe i janë vënë targa false, të cilat nuk ishin të atij mjeti. Por, ato janë targa që erdhen me Protokoll të veçantë, siç thotë Zoti Gonxhja, për Policinë e Shtetit.

Pra, makina të cilën përdor Sandër Lleshaj ka pasur ose targat e Forcave Operacionale, ose të Antidrogës dhe mjeti ka qarkulluar pa dokumente dhe pa siguracion. Por, ashtu siç CNA.al e raportoi në shkrimin e mëparshm, mjetit i janë ndryshuar targat dhe tani mban targën AB 395 BC. (Lexo ketu)

Mjafton përgjigja e firmosur sot nga Zoti Gonxhja, i cili pranon se targat janë të Policisë së Shtetit dhe gjithçka është pranuar nga ky institucion. Pra, e vërteta e thënë nga CNA.al.

Sandër Lleshaj mori një makinë në Gjermani për Oficerin e Kontaktit, e solli në Shqipëri me targa Gjermane, i vuri targa false dhe qarkulloi me targat e Policisë së Shtetit dhe pa siguracion dhe tani siç e zbuluam ne në shkrimin e mëparshëm, ai e ka targuar mjetin dhe Zoti Gonxhe thotë se ato targa kanë qënë të Policisë së Shtetit./ CNA.al

Foto ekskluzive-Lleshaj pranon skandalin/ Ndryshon targat e makinës

SKANDALI/ DPSHTRR fshehu të dhënat për BMW-në e Lleshajt

Blendi Gonxhja bëhet qesharak/ Dokumenti që turpëron DPSHTRR-në