web counter
LEXO PA REKLAMA!

SHKARKO APP

App Store
Google Play

Tallja e Ramës me programin e PD/ Tabaku: Ai është fatkeqësi për të gjithë shqiptarët!

1 Tetor 2020, 12:55, Politikë CNA

Ish-deputetja e Partisë Demokratike, Jorida Tabaku, komentoi takimet që pati sot me kreun e PD, Lulzim Basha me bizneset e vogla në Durrës.

Tabaku tha se përveçse iu prezantuan atyre programin e rimëkëmbjes, u njohën edhe me gjendjen e tyre, e cila siç tha po shkon gjithnjë e më keq.

?Në fakt vizita kishte qëllim të dyfishtë, për të parë situatën reale, problemet me xhiron dhe fitimin që kishin bizneset por edhe për të diskutuar paketën që zoti Basha prezantoi të martën. Situata në realitet është e rëndë. Ka rënë prodhimi, ka pesimizëm në ekonomi, numri i të papunëve është i madh. Sot takuam kryesisht biznese konsumi, cdo lloj sektori që vizituam ishite thellësisht i prekur nga kriza dhe thellësisht të pambështetur nga shteti. Një prej bizneseve me xhiro para pandemisë tha se kishte13 punonjës që i paguante nga fitimet e mëparshme vetëm e vetëm se nuk donte t?i hidhte në rrugë?,- tha ajo në studion e ?Opinion? në News 24.

Për reagimin e sotëm të kryeministrit Rama, që ironizoi sërish planin me 5 pika të Bashës, Tabaku tha se ai është një fatkeqësi për të gjithë shqiptarët.

?Opozita është në punë, ndërsa qeveria merret me batuta bajate. E vetmja gjë që më vjen të them është: Çfarë fatkeqësie për të gjithë shqiptarët. Në vend që të jenë në këmbë dhe të ndihmojnë qytetarët ata merren me batuta?, tha Tabaku./CNA.al





Lajmet e fundit nga