E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Kryeplakut të Qesaratit i “humb” vula/ Njësia Administrative: Nuk gjejmë dot ish-kryeplakun për t’ia marrë

29 Shtator 2020, 20:07, Denoncim CNA

Banorët e fshatit Qesarat në Memaliaj ankohen në Fiks Fare pasi ata kanë votuar për kryeplak të fshatit, por ai nuk e ka marrë ende këtë pozicion. Shkaku, ish kryeplaku nuk dorëzon vulën.

Sipas banorëve votimet janë zhvilluar përgjatë një mbledhje të cilën e ka organizuar nënkryetarja e bashkisë nga ku banorët kanë përzgjedhur një person të fshatit për Kryeplak të tyre. Por kryeplaku i ri që ata unanimisht zgjodhën nuk mund t?ju jap zgjidhje problemeve të tyre sepse i mungon vula dhe nuk njihet nga pushteti vendor. Njësia Administrative Qesarat shfajësohet duke thënë se vulën e ka marrë ish kryeplaku të cilit nuk i dinë vendndodhjen.

Gazetarët e Fiksit u interesuan pranë njësisë administrative për këtë problem. Në pamundësi për të takuar kryetarin e kësaj njësiez. Shahin Hodaj, pasi nuk ndodhej në zyrë, gazetarët e telefonojnë atë. Z. Hodaj u shpreh për Fiksin se mbledhja e zhvilluar nga nënkryetarja e bashkisë me banorët e fshatit gjatë të cilës u votua për kryeplakun e fshatit z. Mit?hat Hysi nuk ishte e vlefshme.

Sipas tij pavarësisht se banorët votuan ,mbledhja u mbyll pa dorëzimin e vulës nga ish kryeplaku i cili akoma nuk e ka dorëzuar. Kryetari i njësisë u thotë gazetarëve se ka shkuar në shtëpinë e ish kryeplakut për të marrë vulën, por që nuk e ka gjetur në shtëpi. Në fund të bisedës telefonike kryetari i njësisë administrative premton se vula do shkojë në vendin e vet ashtu siç kanë votuar edhe banorët. Gazetarët e emisionit Fiks Fare shkojnë vetë në shtëpinë e ish kryeplakut për të marrë një përgjigje.

Pyesin babain e ish kryeplakut për të cilin kryetari i njësisë administrative u tha gazetarëve që nuk e ka gjetur në shtëpi. Gjatë bisedës ai tregoi se djali i tij është prej kohësh i sëmurë dhe ndodhet në shtëpi, por askush nuk ka shkuar ta kërkojë dhe aq më tepër nga njësia administrative për t?i kërkuar vulën e humbur të kryeplakut të ri./ Tch