Efektivi denoncon sistemin e gjobave/ Shefi i Komisariatit të Durrësit presion vartësve

27 Shtator 2020, 16:37, Denoncim CNA

Një punonjës policie në komisariatin e policisë të qytetit të Durrësit ka denoncuar sistemin e gjobave në këtë komisariat.

Efektivi dixhital, ka bërë një denoncim me anë të ish-kryeministit Sali Berisha, ku ngre një sërë akuzash ndaj shefit të komisariatit Geront Seitllarit.

Sipas tij, shefi i komisariatit i ka urdhëruar dhe i bën presion që të procedojnë penalisht qytetarët për çdo suvatim, lyerje, rikonstruskion çatie, muresh, shtëpiash të shembura nga tërmeti.

Polici deklaron se ai dhe miqtë e tij nuk kanë ku të ankohen, pasi pretendon se Seitllari ka lidhje shumë të forta dhe mburret se është shok dhe mik i ngushtë me drejtorin e Përgjithshëm të Policisë së Shtetit Ardi Veliun.

?Kam 20 vite punë në këtë komisariat dhe nuk mbaj mend shef komisariati të ketij niveli. Ky i ashtuquajtur shef komisariati për hir të së vërtetës na ka shndërruar në gjobëvënësa ndaj njerëzve të thjeshtë dhe hallexhinjve duke na kërkuar lekë ose në të kundërt t?i procedojmë penalisht për çdo suvatim, lyerje, rikonstruskion çatie, muresh, shtëpiash të shembura nga tërmeti, etj, etj.

Na kërkon që t?i çojmë dokumentacion e shtëpive të ndërtuara përpara 6-7 vitesh dhe në rast se nuk i shkon zarfi me lekë kërkon që ti procedojmë. Një shef i cili nuk na ka kërkuar një herë informacion për ngjarje kriminale por që merret vetëm me ndërtimet pa leje a thua se kjo është detyra primare e policisë ndërkohë që vjedhjet lulëzojnë në qytet pasi ne me urdhër të këtij shefi merremi vetëm me kontrollin e territorit për ndërtime.

Kemi frikë të shkojmë në punë pasi një herë në javë na thërret në zyrë vetëm për vetëm duke na bërë presion se do të na transferojë me motivin se nuk e kemi situatën nën kontroll me ndërtimet dhe në moment që i çojmë zarfin qetësohet dhe e harron transferimin. Kemi dhe shumë e shumë gjëra të tjera për të thënë për këtë shef komisariati por do duhej një roman që të përshkruheshin gjithë bëmat e tij. Të lutem anonim se këta të internojnë bashkë me familjen?, thuhet në mesazhin e efektivit dixhital./ CNA.al