E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Skandali me gjyqin 44 milionë euro/ Faktet që akuzojnë Edmond Haxhinaston, zyrtarët e LSI dhe provat për SPAK

8 Shtator 2020, 13:36, Denoncim CNA

Disa ditë më parë, mediat kanë raportuar për një tjetër vendim të gjykatës në Arbitrazh kundër qeverisë shqiptare, ku firma ?Aktor? e cila ishte kontraktuesja për ndërtimin e rrugës Tiranë-Elbasan, thuhet se ka fituar 44 milionë euro nga qeveria shqiptare.

Pra, Gjykata Ndërkombëtare e Arbitrazhit (ICC) i ka dhënë të drejtë kompanisë greke, ?Aktor?, për punimet shtesë në autostradën Tiranë-Elbasan, duke gjobitur me 44 dollarë euro Shqipërinë.

Pas publikimit të këtij skdnali, ku shteti shqiptarë duhet të paguajë 44 milion euro nga taksat e qytetarëve të vëna si gjobë nga Arbitrazhi, kanë ?shpërhyer? akuzat nga palët politike, duke tentuar t?i lënë në dorë ?topin? njëra-tjetrës.

Së pari reagoi Ministrja e Infrastrukturës dhe Energjitikës, Belinda Balluku, e cila fajësoi LSI-në.

Sipas Ballukut, shkeljet që kanë shqetësuar edhe kompaninë greke kanë ndodhur në kohën kur kjo ministri drejtohej nga LSI.

Ndërkohë, pas reagimit të Ballukut, ka ardhur një tjetër reagim nga ana e LSI-së, ku është publikuar edhe një letër, që ish-ministri i Infrastrukturës Edmond Haxhinasto, i kishte dërguar kryeministrit Edi Rama, në vitin 2016, ku mes të tjerash e vë në dijeni për problematikat me firmën greke për këtë autostradë.

Pra letra është dërguar në vitin 2016. Dhe tani lind pyetja për ish-ministrin Haxhinasto, nga 2013 deri në 2016, çfarë ke bërë?

Pse humbët 30 milion eurot e kontigjencave që ishin në gjendje dhe janë marrë mbi 50 milion dollarë shtesë në kontratë?

Dhe kjo ka ndodhur gjatë kohës që Edmond Haxhinasto ka qënë ministër. Pra, ky është përgjegjësi kryesor, për të paktën 80 milionë dollarë shtesa.

Djalli fshihet në detaje.

Akuzohet një subjekt si Inerte Expres shpk, se gjithçka dhe ç pasojë vjen prej saj. Akuzat se puna i fillon me qeverinë e Rilindjes, por kontratën e ka në 2012 dhe problemi qëndron se kush është shkaktari që kostot e projektit të rrugës Tiranë-Elbasan kanë shkuar nga 230 milion dollarë, në gati 400 milion dollarë. Se firma ka marrë një kontratë dhe ka kryer furnizimet, dhe në asnjë rast nuk është ajo përgjegjësja.

Së pari, Edmond Haxhinasto

Ky i fundit, dje ka nxjerrë një dokument që ka thënë se në vitin 2016, ai i ka dërguar një letër kryeministrit. (publikuar më lart)

Tani lind pyetja, çfarë ka bërë deri në 2016-ën Edmond Haxhinasto?

Se të hedhësh topin tek tjetri është e lehtë , por është ai ministri përgjegjës. Sepse gjatë viteve që ka qënë në pushtet PD-ja ishte korrekte, nuk ka pasur problematika.

Në 2013, pasi iku PD-ja nga pushteti dhe hipi Haxhinasto në karrige filluan zullumet. Janë zhdukur 30 milion dollarë nga kontigjencat, të cilat janë një shumë në kredinë e marrë për të investuar më tej në projekt.

Është shtuar kontrata me 50 milion dollarë.

Si u shtuan 50 milion dollarët, kur në fakt me ndryshimet e bëra në projekt, firma ka kërkuar që të mbajë ajo përgjegjësinë për çdo punim të paparashikueshëm?

Pra, pse Haxhinasto dhe Albion Aliko apo edhe Sokol Dervishaj, kanë pranuar të firmosin shtesa punimesh, kur në fakt mjafton që të hapësh dosjen dhe të shikosh se me ndryshimet e projektit dhe pasojat që kanë ardhur për shkak të ndryshimeve të miratuara në komisionin teknik përgjegjësinë e mbante firma?!

Nga 2013 deri në 2017 janë bërë të gjitha zullumet në rrugën Tiranë-Elbasan dhe të gjitha zullumet drejtoheshin nga Edmond Haxhinasto dhe Sokol Dervishaj dhe në fund janë firmosur nga Albion Aliko. Të gjitha të tjerat janë justifikime.

Mjafton që SPAK të shkojë dhe të hapë dosjen e investimit dhe gjithçka ka pasur të bëjë me ndryshimet në projekt, ku miratimet në Këshillin Teknik thonë ekzaktësisht se për punimet e paparashikuara, përgjegjësinë e mban firma.

Pse i ka paguar shteti shqiptar? Pse i ka firmosur Albion Aliko, Sokol Dervishaj dhe Edmond Haxhinasto?

Janë 30 milionë dollarë të kontigjencave dhe 50 milion dollarë shtesa. Pa folur për 44 milion eurot e ardhura së fundi nga Arbitrazhi.

Një hajdutëri ku dokumentat zyrtare akuzojnë njerëzit e LSI-së, të cilët turpësisht kanë zgjedhur të fshihen nën ?llogore?.

Dje Haxhinasto nxori një dokument të 2016-ës, por zullumet dhe skandalet që ka pasur ajo rrugë i ka të gjitha gjatë kohës që ka drejtuar ministrinë Edmond Haxhinasto. Ky i fundit para se të dorëzonte ministrinë, për të shpëtuar lëkurën e tij, ka bërë atë dokument.

Në fakt i pari që duhet arrestuar është Edmond Haxhinasto, sepse ka shkaktuar dëm ekonomik, sepse ka firmosur dokumenta me ndryshime projektesh, ku përgjegjësinë duhej ta mbajë firma dhe më pas këto para janë paguar. Sepse ministria e cila drejtohej nga Edmond Haxhinasto dhe më pas nga Sokol Dervishaj, pra nga LSI-ja.

Këto janë fakte të pakontestueshme. Dhe në dokumentin e publikuar dje, Haxhinasto nuk ka bërë asgjë tjetër veçse një autogol me veten e e tij. Ku ka treguar se pas tre vitesh abuzime me investimet në rrugë është kujtuar ti dërgojë një letër kryeministrit për t?i treguar hallet e mëdha.

Por, çfarë bëri tre vite? Apo vetëm grabiti paratë e taksave të shqiptarëve, që do paguajnë kredinë e rrugës, apo 44 milion eurot e vëna gjobë nga Arbitrazhi?

Sepse përgjegjëse është vetë ministria që ka pasur projektin, ministri që do drejtonte projektin ka qënë Edmon Haxhinasto i LSI-së, ka qënë Albion Aliko i LSI-së, ka qënë Dashamir Xhika i LSI-së dhe ministri i fundit Sokol Dervishaj, po i LSI-së.

Sa rastësi ka me korrupsionin në Shqipëri, që ku ka grabitje dhe abuzime me qindra milionë euro, dalin vetëm ministrat e LSI-së me çdo qeveri. (vijon)/ CNA.al

LSI pas skandalit me gjyqin 44 milionë euro për kompaninë greke të rrugës Tiranë – Elbasan

Skandali që i kushtoi Shqipërisë 44 milion euro/ LSI i kundërpërgjigjet MIE-së

MIE pranon humbjen me kompaninë greke/ Fajëson LSI dhe PD