E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Skandali me laboratorët e analizave/ Ja si mashtrohen qytetarët

3 Shtator 2020, 07:33, Denoncim CNA

Një skandal në lidhje me laboratorët e analizave në vendin tonë është denoncuar sot në redaksinë e CNA.al.

Një qytetar ka pasur një kredi në një bankë dhe për ti bërë sigurimin e kredisë, kompania e sigurimeve i ka kërkuar që të bëjë analizat.

Deri këtu në rregull, kështu funksionon kudo. Kreditë duhen siguruar, siguracionikërkon analizat e shëndetit, e këto janë gjëra shumë normale që ndodhin.

Por, çfarë ndodh?

Klinikën e zgjedh kompania e sigurimeve. Qytetari në fjalë ka shkuar tek klinika International Turkish Hospital dhe ka bërë analizat.

Sikurse shikohet në foton më poshtë, klinika e ka nxjerrë me Hepatit C. (HCV Pozitiv)

Qytetari është shokuar. Ka kaluar një ditë të tërë në ankth në stress. Çfarë ka ndodhur? Klinika i ka thënë ke dalë me Hepatit, ke probleme, duhet të vizitohesh, e të tjera si këto.

Të nesërmen ka shkuar në një klinikë tjetër, Intermedica, e cila është një nga brandet më të mira në Shqipëri dhe shihet si një nga klinikat më serioze, dhe ka vajtur e ka bërë analizat dhe i kanë dalë normal.

Gjithashtu i ka përsëritur edhe në një laborator tjetër privat dhe analizat i kanë dalë normal.

Askush nuk mban përgjegjësi për atë çfarë ka ndodhur me këtë qytetar. Dhe pasojat e një palë analizave nga një staf i papërgjegjshëm, që u shkakton njerëzve trauma.

Nuk është kjo hera e parë e një skandali të tillë në laboratorët e analizave. Ka ndodhur edhe në shtet, ka ndoshur edhe në laboratorë të tjerë privatë.

Emisioni Fiks Fare ka bërë disa denoncime. STOP në Klan gjithashtu ka bërë disa denoncime.

Por, sërish analizat duket të jenë problematike për shqiptarët./ CNA.al