web counter
LEXO PA REKLAMA!

SHKARKO APP

App Store
Google Play

E fundit!

x

Moti i keq/ Policia thirrje shoferëve: Mos qarkulloni me shpejtësi

26 Shtator 2020, 13:07, Kronika CNA

Policia Rrugore u ka bërë thirrje drejtuesit e mjeteve që për shkak të motit të keq dhe me reshje të tregojnë kujdes më të shtuar në rrugë.

Kjo pasi gjatë kësaj kohe rritet akoma më shumë rreziku për të bërë aksidente.

?Nisur nga moti i keq me reshje të dendura shiu në shumë zona të vendit, Policia Rrugore ka shtuar prezencën e shërbimeve në të gjitha akset rrugore dhe apelon për të gjithë drejtuesit e mjeteve të bëjnë kujdes të veçantë, pasi ka prezencë të ujit në disa rrugë. Drejtuesit e mjeteve të mos qarkullojnë me shpejtësi, të mos kryejnë manovra apo parakalime të gabuara, të vendosin rripin e sigurimit dhe të mos përdorin celularin gjatë drejtimit të mjetit.

Drejtuesit e motomjeteve të vendosin kaskën mbrojtëse, ata të bicikletave të ndriçojnë biçikletën gjatë udhëtimit dhe në rast reshjesh të dendura të ndërpresin lëvizjen deri në qetësimin e motit, që të mos rrezikojnë jetën e tyre?, thuhet në njoftimin e Policisë Rrugore.

Sipas Policisë i duhet kushtuar një rëndësi të veçantë edhe këmbësorëve, të cilët tentojnë të kalojnë nga njëri krah i rrugës në tjetrin, pasi për shkak të shiut dhe të errësisrës, rreziku është i madh për t?u përfshirë në aksident./CNA.al





Lajmet e fundit nga