web counter
LEXO PA REKLAMA!

SHKARKO APP

App Store
Google Play

"Rrëzohet" rrjeti ndërkombëtar i drogës/ Mbyllet hetimi për 237 persona, ndër to edhe shqiptar

26 Shtator 2020, 06:32, Kronika CNA

Ka përfunduar hetimi paraparak për 237 persona, të cilët akuzohen për trafik të lëndëve narkotike.

Ky rrjet transportonte kokainë, heroinë dhe marijuanë nga Shqipëria në vende si Italia, Turqia, Hollanda, Spanja, Belgjika, Kosova, Maqedonia, Kroacia, Franca, Gjermania, Kosova. Personat e përfshirë në këtë organizatë kriminale janë kryesisht shqiptarë dhe italianë.

Hetimi u koordinua nga Prokurori Publik i Lamezia Terme, Salvatore Curcio dhe nga zv / prokurori i Dda-së së Catanzaro Domenico Guarascio, ndërsa njoftimi i përfundimit të hetimit u dha nga Guarascio dhe nga zëvendësprokurori Alessandro Riello.

Nga informacionet paraprake organziata kriminale ishte i shpërndarë në të gjithë Italinë dhe  drejtohej nga Francesco Abbruzzese në Cassano allo Ionio; Giovanni Guidi në Corigliano Rossano; Antonio Angelo Pelle në San Luca dhe Romë; Massimo Albanese në Massafra ; Franco Pietro Caserta në Catania; nga vëllezërit Edmond dhe Alfred Beqiri dhe Ndue Sokoli në Sibaritide; nga Jahi Abdul në San Luca dhe, në të gjithë vendin, nga Prine Dobroshi dhe Arben Velikp.

Dy të dyshuar të tjerë, Mareglen Halka dhe Kaplianaj Fathbard, dyshohet se kryen veprimtarinë e tyre kriminale në Massafra, Catania, Bari dhe Pordenone.

Midis akuzave të kontestuara ndaj të dyshuarve nga Zyra e Prokurorit të Lamezia-s dhe nga DDA ekziston edhe ajo e prodhimit dhe tregtimit të paligjshëm të një përzierje të paracetamolit dhe nitro kafeinës, me ngjyrë artificiale dhe e përdorur për të prerë heroinë./CNA.al





Lajmet e fundit nga