web counter
LEXO PA REKLAMA!

SHKARKO APP

App Store
Google Play

Futi drogë në burgun 313/ Arrestohet stomatologu

26 Shtator 2020, 09:42, Kronika CNA

Një stomatolog ka rënë në prangat e policisë pasi një të burgosuri në burgun 313, iu gjet 100 gram drogë menjëherë pas vizitës së tij.

I paraburgosuri R.S. rreth orës 11:30 të datës 25.09.2020 është vizituar tek stomatologu i IEVP 313 Jordan Misja. Menjëherë pas vizitës dentare, ura metal-detektor gjatë kthimit të këtij të paraburgosuri ka dhënë sinjal dhe pas kontrollit fizik në trupin e tij u gjet një sasi e konsiderueshme lëndë e dyshuar narkotike rreth 100 gram e mbështjellë me letër alumin dhe me plastmas.

Nga veprimet e para hetimore rezulton se i paraburgosuri R.S. dhe stomatologu F.B kanë patur kontakt me njëri-tjetrin. Në vajtje për te klinika nuk është dhënë sinjal nga ura metal-dedektor, ndërsa në kthim janë aktivizuar sinjalet e urës.

Pas  kryerjes së veprimeve procedurale dhe administrimit të  provave si, deklarime, këqyrja e kamerave, dokumenta, etj, u bë arrestimi i tyre.

Materialet do të referohen në prokurorinë e rrethit Tiranë për veprën penale të ?Futja dhe mbajtja e sendeve të ndaluara ?parashikuar nga neni 324/a iKodit Penal në ngarkim të të paraburgosurit R.S. dhe në ngarkim të stomatologut të IEVP Jordan Misja, F.B, për veprën penale të parashikuar nga neni 324/a/2 ?Futja e mbatja e sendeve të ndaluara në IEVP? dhe neni 283 i Kodit Penal, ?Prodhimi dhe shitja e narkotikëve?./CNA.al

 

 





Lajmet e fundit nga