web counter
LEXO PA REKLAMA!

SHKARKO APP

App Store
Google Play

Trajtim çnjerëzor ndaj një të burgosuri/ Pezullohet nga detyra drejtori i Burgut të Beratit

26 Shtator 2020, 10:08, Kronika CNA

Drejtori i Burgut të Beratit, Hiqmet Këlliçi është pezulluar nga detyra pasi akuzohet ?për kryerjen e veprimeve arbitrare?.

Ai akuzohet për ?Kryerje të Veprimeve Arbitrare? ndaj një të burgosuri që vuante dënimin në IEPV Berat.

Kallëzimi penal ndaj Këlliçit është bërë nga avokati i të burgosurit në 16 Janar 2020. Në kallëzimin penal thuhet se, Këlliçi e ka izoluar të burgosurin Krios Vangjeli nga 13-20 Janar 2020 dhe e ka mbajtur në dhomën e izolimit me pranga, duke e lënë edhe më tej afateve që e lejon ligji.

Në kallëzimin penal ndaj Hiqmet Këlliçit, ndër të tjera thuhet se me urdhër të drejtorit punonjësit e burgut e kanë trajtuar këtë të burgosur në mënyrë çnjerëzore.

Në ngarkim të drejtorit të IEPV Berat janë të regjistruara deri më tani në Prokurorinë e Rrethit të Beratit edhe 3 kallëzime të tjera penale për ?shpërdorim detyre?. Dy kallëzime penale janë bërë nga SHÇKB e Burgjeve që e akuzon se favorizonte të dënuarit për ?liri me kusht? në këmbim të ryshfeteve dhe një tjetër kallëzim penal për ?Shpërdorim Detyre? është bërë nga disa avokatë të Beratit, që e akuzojnë se ka shkelur të drejtat e avokatëve, duke mos i lejuar për takimet me të paraburgosurit e mbrojtur prej tyre.

Në bazë të hetimeve të kryera dhe provave të grumbulluara, Gjykata ka vendosur të pranojë kërkesën e prokurorisë për pezullimin e tij nga detyra deri në përfundim të plotë të hetimeve.





Lajmet e fundit nga