web counter
LEXO PA REKLAMA!

SHKARKO APP

App Store
Google Play

E fundit!

x

Rritet konkurenca për Kumbullën, Roma kërkon një tjetër qendërmbrojtës

23 Shtator 2020, 09:06, Sport CNA

Marash Kumbulla, i cili ishte objektiv i klubeve si Inter, Lacio apo Juventus vendosi që të transferohet te Roma në operacion mjaft të shpejtë dhe të mbyllur në kohë rekord. 20-vjeçari është qendërmbrojtësi i parë i blerë këtë verë nga verdhekuqtë, që duan të shtojnë konkurrencën në difensivë.

Roma prej muajsh negocion me Mançester Juanjtid për të blerë Kris Smolling, por deri tani ka qenë shumë e vështirë për të mbërritur në një marrëveshje. Me tratativat, që bëhen çdo ditë e më të vështira, Roma ka vendosur të punojë edhe në pista të tjera për të sjellë një mbrojtës të nivelit të lartë. Nga Italia mësohet se kryeqytetasit janë të interesuar për mbrojtësin e Barcelonës, Zhan-Kler Todibo.

20-vjeçari gjashtë muajt e fundit ishte i huazuar te Shalke në Gjermani dhe në kthim trajneri Kuman i ka treguar derën. Barcelona dëshiron ta shesë për të mbledhur të ardhura, pasi në rast të kundërt nuk afron dot asnjë lojtar. Mbeten për tu parë zhvillimet për Smolling, por në rast interesimi konkret, Barça do ishte gati të negocionte për të shitur francezin.





Lajmet e fundit nga