web counter
LEXO PA REKLAMA!

SHKARKO APP

App Store
Google Play

Protesta e paralajmëruar e mjekëve/ Berisha thirrje bluzave të bardha: Shembull për t’u ndjekur

23 Shtator 2020, 19:59, Politikë CNA

Ish-kryeministri Sali Berisha ka reaguar për protestën e paralajmëruar nga mjekët për ditën e nesërme para QSUT-së.

Në një postim në rrjetet sociale, Berisha deklaron se e mbështet plotësisht protestën e bluzave të bardha që janë përballur me vështirësi të jashtëzakoshme gjatë pandemisë së koronavirusit.

Ish-kryeministri ka bërë një thirrje për të gjithë bluzat e bardha në vend, që të ndjekin shembulllin e kolegëve të tyre.

?Nesër në orën 10:00 bluzat e bardha, mjekë dhe infermierë zhvillojnë një orë protestë për kushtet tejet të vështira me të cilat përballen.

Që nga fillimi i pandemisë ata janë përballur me vështirësi të jashtëzakoshme, rreziqe serioze për shëndetin dhe jetën e tyre dhe familjeve të tyre, kanë bërë me qindra dhe mijëra orë jashtë orarit të pa paguara asnjë qindarkë. Sot pas 7 vitesh ngrirje të pagave, çdo mjek dhe infermierë merr për shkak të inflacionit se paku 30% më pak se sa në vitin 2013.

Rrogat e mjekëve dhe infermierëve në Shqipëri, 7 vite më parë pas rritjes së tyre me 120-150% në vitet 2006 -2013, ishin më të larta se sa në 7 vende të rajonit. Kurse tani ato janë më të ulëtat në rajon, janë 50-100% më të ulëta se sa në Kosovë.

Mbështes plotësisht protestën e drejtë të tyre dhe ju bëj thirrje të gjithë bluzave të bardha të vendit të ndjekin shembullin e bluzave të bardha te QSUT sb?, shkruan Berisha./ CNA.al





Lajmet e fundit nga