web counter
LEXO PA REKLAMA!

SHKARKO APP

App Store
Google Play

Paralajmërimi i mjekëve për protesta/ Basha i paraprin lëvizjes së Ramës

23 Shtator 2020, 16:36, Politikë CNA

Sindikata e Mjekëve paralajmëroi sot se ditën e nesërme do të zhvillojë një protestë para QSUT-së, ndërsa kryeministri Edi Rama i ftoi në takim një orë para fillimit të protestës.

Por kryetari Partisë Demokratike Lulzim Basha, i ka paraprirë lëvizjes së Ramës dhe ka mbledhur pak minuta më parë në takim disa mjekë dhe ekspertë të shëndetësisë.

Në fjalën e tij, Basha ka kërkuar sërish rritje të numrit të testimeve për Covid-19.

Basha kritikoi qeverinë dhe e akuzoi se nuk i ka marrë parasysh propozimet e saj dhe nuk ka siguruar vaksinën anti-Covid.

Gjithashtu kreu i opozitës kërkoi më shumë mbrojtje për mjekët dhe pajisje me protokolle për mjekët e familjes.

“Trajtimet me Covid bëhen vetëm në Tiranë dhe aspak në rrethe. Nuk ka gjurmim të rasteve. Nuk trajtohen rastet. Testimet janë të ulëta. Nuk bëhet ndjekja e pacientit, nuk ka analiza gjaku, nuk ka skaner, mjekimet nuk rimbursohen dhe ka mungesë totale të aparaturave në dy spitalet Covid.

Vazhdon ikja e mjekëve dhe infermierëve, për shkak të kushteve mizerable. Paketa e 1000 euro për mjekë ka qenë jo e plotë. Sot mjekët janë të diskriminuar dhe të keq-paguar, edhe në raport me fqinjët. Duhet edhe rimbursimi për këta pacientë”, u shpreh ai.

Ndërkohë, kujtojmë se mjekët kanë paralajmëruar një protest nesër në orën 10:00 dhe kanë parashtruar katër kërkesa.

Ata kërkojnë të shpallen dëshmorë mjekët që kanë humbur jetën në luftën me Covid-19, të bëhet sigurimi i jetës për personelin shëndetësor, të rriten pagat dhe të krijohen kushtet optimale në punë për mbrojtjen nga pandemia./ CNA.al





Lajmet e fundit nga