web counter
LEXO PA REKLAMA!

SHKARKO APP

App Store
Google Play

E fundit!

x

Tha se do rrisë pagat/ Arben Malaj tregon çfarë fshihet pas premtimit të Ramës

23 Shtator 2020, 16:25, Politikë CNA

Ish-ministri i Financave Arben Malaj, ka folur sot për premtimet e kryeministrit Edi Rama se do të rrisë pagat minimale dhe ato të mësuesve dhe mjekëve.

Malaj e cilëosi premtimin e Ramës si një premtim elektoral, ndërsa pretendon se nuk është një ?shkop magjik? për të zgjidhur problemet ekonomike.

Ai theksoi në Fax News se në rast se mendohet vërtetë të rriten pagat e pensionet, të ulen taksat, dhe të shtohen grupet që marrin pensione, Shqipëria duhet të mësojë nga eksperienca e Greqisë.

?Besoj që rritja e pagës minimale në sektorin publik do të jetë më e lehtë. Më e vështirë do të jetë në sektorin privat. Është shumë mirë të rritet paga minimale, por duhet të mbajmë parasysh se cdo rritje pagash duhet të vijë nga rritja e produktivitetit ku qeveria duhet të ndihmojë kompanitë të jenë produktive ose do të vijë nga shkurtimi i shpenzimeve ku prap qeveria mund të lehtësojë një pjesë të shpenzimeve të kompanive shqiptare që të ardhurat nga paga të rritet dhe kompanitë të ruajnë fuqi konkurruese në treg.

Në rast se synohet të ulen taksat, të rriten pagat, të rriten pensionet, të shtohen grupet që marrin pensione me kushte preferenciale në kuptimin që të dalin sa më shpejt në moshë apo elementë të tjerë, ne do të mësojmë nga eksperienca e vendeve të tjera, kryesisht nga Greqia.

Unë besoj që ka nevojë të paraqiten të gjitha argumentet si rritja e pagës minimale, si rritja e pagës së mësuesve dhe mjekëve, si shkurtimi i taksave apo aplikimi i taksave zero është më shumë një moment elektoral se sa një shkop magjik për problemet e thella që ka ekonomia shqiptare dhe stabiliteti i financave të shtetit shqiptar?, tha Malaj./ CNA.al





Lajmet e fundit nga