web counter
LEXO PA REKLAMA!

SHKARKO APP

App Store
Google Play

Homazhe për Azem Hajdarin/ Basha apel  rinisë: Të mos shohin ikjen si zgjidhje

12 Shtator 2020, 11:28, Aktualitet CNA

Sot bëhen plot 22 vite që nga vrasja e Azem Hajdarit, prandaj kreu i Partisë Demokratike ka bërë homazhe duke rikujtuar veprën e tij.

?Në përvjetorin e vrasjes së heroit të demokracisë Azem Hajdari, kujtojmë me nderim dhe respekt të thellë jetën dhe veprën e njeriut, që ia fali rininë dhe energjinë e tij demokracisë dhe lirisë.

Vepra dhe sakrifica e Azem Hajdarit është përjetë shembull frymëzimi, për të çuar deri në fund idealin e një Shqipërie Europiane, të një Shqipërie demokratike ku qytetarët janë zot të fateve të tyre?, shkruan Basha.

Duke marr shkas nga kontributi që Azem Hajdari ka dhënë për Shqipërinë, Basha i ka apel rinisë që të mos e shohin ikjen si zgjidhje, por të përballen dhe fitoren, ashtu siç bëri Azem Hajdari në dhjetorin e 1990 e në vitet që pasuan.

?Vepra e Azem Hajdarit është dëshmia e qartë se askush dhe asgjë nuk mund ta ndalë dëshirën, energjinë dhe vendosmërinë e rinisë por edhe të popullit shqiptar për ndryshim. Ndaj është koha që me frymëzimin e Azemit dhe bashkëluftëtarëve të tij të viteve ’90, të hapim rrugën e lirisë, demokracisë, mundësive të barabarta, Shqipërisë si gjithë Europa.

I përjetshëm qoftë kujtimi i heroit të demokracisë, simbolit të luftës dhe përpjekjeve për ta bërë Shqipërinë një vend më të mirë?, përfundoi Basha.

 





Lajmet e fundit nga