web counter
LEXO PA REKLAMA!

SHKARKO APP

E fundit!

x

Ambasada e SHBA kujton Nënë Terezën/ Jep mesazhin e fortë

5 Shtator 2020, 09:36, Sociale CNA

Ambasada e Shteteve të Bashkuara të Amerikës ka dhënë një mesazh të fortë në Ditën e Shenjtërimit të Nënë Terezës.

Ambasada kujton se Nënë Tereza ka fituar çmimin Nobel për paqe, ndërsa thotë se bamirësia zbut ndikimet negative të krizave humanitare dhe ndihmon në përmirësimin e shërbimeve.

?Sot, më 5 shtator, është dita Ndërkombëtare e Bamirësisë, përcaktuar nga Organizata e Kombeve të Bashkuara. Kjo datë është zgjedhur për të përkujtuar përvjetorin e vdekjes së Nënë Terezës, fitueses me origjinë shqiptare të çmimit Nobel për paqe dhe përkon me festën zyrtare shqiptare në nder të lumturimit të saj nga Vatikani.

Dita Ndërkombëtare e Bamirësisë është vendosur me qëllimin për të sensibilizuar dhe nxitur njerëzit, shoqatat dhe palët e interesuara në të gjithë botën nëpërmjet punës vullnetare dhe veprimtarive filantropike. Bamirësia zbut ndikimet negative të krizave humanitare dhe ndihmon në përmirësimin e shërbimeve në mjekësi, edukim, strehim dhe mbrojtjen e fëmijëve?, thuhet në deklaratën e ambasadës së SHBA./ CNA.al





Lajmet e fundit nga