web counter
LEXO PA REKLAMA!

SHKARKO APP

App Store
Google Play

E fundit!

x

Mjekja e Infektivit flet për dy rastet e pacientëve që u hodhën nga spitali

4 Shtator 2020, 13:06, Sociale CNA

Mjekja e Infektivit Entela Kolovani ka folur lidhur me dy rastet e pacientëve me Covid-19 që u hodhën nga spitali. Ajo ka deklaruar se ka disa faktorë që ndikojnë në çrregullimin e sjelljes së tyre.

“Kam mjaft faktorë që mund të shoqërohen me një ndryshim psikologjik të këtyre pacientëve. Ne kemi pacienët që vijnë në gjendje më të rënduar në spital. Kur ka vlera të ulta të oksigjenit në gjak, organet vuajnë nga mungesa e tij. Të njëjtën gjë bën dhe truri. Ai vuan nga mungesa e oksigjenit. Kjo sjell ndryshim direkt të sjelljes. Mungesa e familjarëve gjithashtu, terapia intensive, ato që kanë dëgjuar më parë për këtë sëmundje, kemi ndryshime të sjelljes së pacientëve”, tha mjekja.

Kolovani në një intervistë për News 24, shtoi se edhe telefonat celularë nuk i janë ndaluar asnjë pacienti por në momentin që ata kalojnë në terapi intensive ose oksigjenim nuk mund ta përdorin atë.

“Pacientët kur paraqiten për shtrim, kanë me vete dhe telefonat celularë që komunikojnë me familjarët. Në asnjë moment ne nuk i kemi penguar telefonat. Kur pacienti kalon në intensiv, e ka të pamundur të përdor telefonin dhe e ka po ashtu të pamundur të flasë me familjarët. Por ne kemi për cdo pacient numrin e familjarëve të tyre dhe flasim me ta”, theksoi mjekja.





Lajmet e fundit nga