E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Vetëvrasjet te Covid-2/ Apeli i psikotraumatologes: Të lejohet komunikimi i pacientëve me familjarët

3 Shtator 2020, 13:05, Sociale CNA

Psikotraumatologia Besarta Taçi ka qenë e ftuar në rubrikën ?opinion?, në News 24, ku ka folur për ngjarjen tragjike të ndodhur mbrëmjen e djeshme në spitalin Covid-2 Shefqet Ndroqi, ku një tjetër pacient me koronavirus i dha fund jetës duke u hedhur nga kati 4.

Taçi tha se izolimi total brenda mureve të spitaleve është arsyeja kryesore që i çon pacientët drejt akteve ekstreme, pasi sipas saj, ata ndjehen të vetmuar dhe të frikësuar nëse do të mund ta fitojnë betejën me virusin.

Ndërsa sa i takon asaj që duhet bërë për të parandaluar raste të tjera tragjike, psikotraumatologia theksoi se ?Duhet të aktivizohen institucionet dhe të thërrasin specialistët e kujdesit social. Përndryshe rastet e vetëvrasjes edhe mund të shtohen, pasi shërbimi psiko-social është shumë i rëndësishëm?.

?Ajo që ndodh në momente të tilla vendos personat në një lloj pasigurie totale për jetën. Kur ne diagnostikohemi me virus e gjithë qenia jonë vendoset në rrezikshmëri dhe lufte për jetën. Në momentin që ne izolohemi në godinat e spitalit vendosemi në një situatë totalisht të re, të pakontrolluar. Simptomat e virusit i vendosin njerëzit përballë një situate, ku humbin kontrollin mbi veten.

Në momentin kur individi ka këtë gjendje dhe nuk e di a do ta fitojë betejën për jetën duhet të ketë afër figura me rëndësi si psikologë, njerëz të afërt, por kjo gjë i është mohuar. Për këtë, individi gjendet totalisht i vetmuar dhe përballet vetëm me vështirësitë e sëmundjes.
Pacienti mund të lodhet në momentin e komunikimit, por nuk duhet mohuar ky komunikim, sepse ai ndihet i dobët, i vetmuar. Ne nuk mund të ekspozojmë pacientin përballë lotëve të familjarëve. Por, ne i ofrojmë 10 minuta telefonatë me familjarët, ku i mësojmë këto të fundit si të sillen me pacientin. Infermierët duhet t?i informojnë familjarët për gjendjen e pacientëve. Duhet lejuar një komunikim formal, thjesht sa për t?u informuar. Kur një pacient nuk e ka këtë mundësi, ai bën një dopio sforco për dyshimin e madh se çfarë po ndodh me familjen e tij. Ai ka nevojë për komunikim, jemi në vitin 2020.

Nuk mund të mendojmë që izolimi është e vetmja mundësi shërimi. Komunikimi duhet të jetë pjesë e kurës, duhet të shohim që pacientët kanë nevojë për një video-komunikim, por edhe telefonatë me familjarët, duke i mësuar këta të fundit përpara.

Shëndeti mendor është një e drejtë njerëzore. Ekziston një infermier që ka detyrën të shkojë në çdo dhomë, të afrohet dhe të flasë me pacientët. Pacienti dhe mjeku duhet të jenë bashkëpunues. Aspekti i komunikimit duhet të jetë ndërveprues, sepse ndihmon pacientin?, u shpreh ajo./CNA.al