E fundit!

13:30 Kronika

Plagosje me armë zjarri në Pogradec

Një plagosje me armë zjarri ka ndodhur ditën e sotme në Po...

Dikur luante me Wolfsburgun, sot i ka kundërshtarë/ Nexhipi nuk i friksohet gjermanëve

1 Shtator 2020, 08:12, Sport CNA

Nderim Nexhipi ishte vetëm 17 vjeç kur pas një jave stërvitje te skuadra e Hertës së Berlinit, arriti të bindte trajnerin e njohur gjerman, Jurgen Rober, që të firmoste një kontratë profesionale. Bëhet fjalë për vitin 2001.

Pasi debutoi në Bundesligë me Hertën, më pas Nexhipin e penalizuan dëmtimet dhe u largua nga ky ekip, por trajneri Rober nuk e harroi, teksa e mori me vete te Volfsburgu. Tek ?Ujqërit? e Gjermanisë ish-fantazisti që tashmë është drejtor sportiv i Kukësit luajti vetëm 2 ndeshje në vitin 2003. Tashmë, 17 vite më pas ai ritakohet me Volfsburgun, por si kundërshtarë.

Drejtori aktual i Kukësit rrëfehet në një intervistë ekskluzive për ?Panorama Sport? duke kujtuar kohën kur ishte pjesë e ekipit gjerman. Ai komenton shortin dhe shanset që mund të ketë Kukësi ndaj një klubi që Nexhipi e cilëson si gjigant për vetë traditën dhe buxhetin e madh që ka.

Nderim, rival në turin e dytë do të jetë Volfsburgu. Cili është impakti i parë kur mësuat shortin?
Natyrisht që si impakt i parë mund të them se është diçka shumë interesante, befasuese. Të jem i sinqertë, Volfsburgu ishte kundërshtari më i vështirë që mund të na binte në short. Sidoqoftë, ky është futbolli dhe duhet të përballemi me dinjitet më 17 shtator. Normalisht është një skuadër që unë personalisht e ndjek prej shumë vitesh, sepse kam qenë pjesë e klubit gjerman. E theksoj, ky ishte rivali më i vështirë i mundshëm, por do të përgatitemi në maksimum dhe ekipi do të japë gjithçka për t?u paraqitur sa më mirë. Futbollit nuk i dihet asnjëherë.

Keni luajtur me Volfsburgun në vitin 2003. Çfarë kujtoni nga ajo kohë dhe a ruani ende kontakte me përfaqësues të klubit gjerman?
Kanë kaluar shumë vite që nga koha ime në Volfsburg. Të them të drejtën, kontakte kam ende me drejtorin e akademisë së Volfsburgut, Pablo Tiam, me të cilin kam luajtur kur isha pjesë e skuadrës. Ai është emër i njohur në Gjermani, pasi ka qenë edhe pjesë e Bajern Mynih. Fola sot (dje) pas shortit dhe bisedova, por për fat të keq nuk ka mundësi të vijë në Shqipëri ditën e ndeshjes. Një gjë që është shumë e veçantë që nga koha kur kam qenë në Volfsburg është se janë ende në detyrë pjesëtarët e stafit mjekësor dhe magazinieri i klubit. Strukturat e tjera kanë ndryshuar plotësisht.

Sa shanse ka Kukësi të bëjë mrekullinë ndaj ekipit të Bundesligës?
Tani futbolli ka befasi, edhe pse ne jemi të vetëdijshëm që do të luajmë ndaj një gjiganti si Volfsburgu. Megjithatë, ne nuk do dalim me flamur të bardhë dhe të themi mbaroi çdo gjë pa u luajtur ndeshja. Janë vetëm 90 minuta dhe jo 120. Përparësi e madhe është se luajmë në fushën tonë dhe do të përgatitemi sa më tepër për të qenë dinjitozë.

Mes Volfsburgut, Hajduk Splitit dhe Zrinjskit, cilin klub shikonit si rivalin më të pranueshëm për Kukësin?
Personalisht nga tre rivalët kisha qejf të na binte klubi boshnjak, Zrinjski. Kjo nuk ndodhi, por s?kemi çfarë të bëjmë. Volfsburg është një klub gjigant dhe me një buxhet shumë të madh, e gjithashtu një sponsor si Volksvagen. Kam qenë vetë aty dhe e di shumë mirë se ndaj kujt do të luajmë. Ndoshta në vitet e fundit s?ka qenë në nivele të larta, por ama ka marrë pjesë në grupet e Ligës së Europës dhe mbetet një klub me traditë në Gjermani.