E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Erdhi me jaht në Shqipëri/ Presidenti kroat: Ishte vizitë zyrtare, akomodimin ma siguroi Rama

29 Gusht 2020, 19:41, Politikë CNA

Presidenti i Kroacisë, Zoran Milanoviç, ka reaguar pas akuzave dhe kritikave për udhëtimin e tij në brigjet shqiptare dhe për takimin me kryeministrin Edi Rama.

Fillimisht u tha se Milanoviç kishte ardhur në mesin e muajit gusht në Shqipëri për një vizitë private, ndërsa sot Kreu i Shtetit kroat ka deklaruar se ka ardhur për një vizitë zyrtare.

Ai ka thënë se gabimisht ishte njoftuar se vizita ishte private, pasi pretendon se nuk ishte e tillë. Më tej, ai tregon se fjetjen ia kishte mbyluar qeveria shqiptare, pasi ishte akomoduar në rezidencën shtetërore.

?Ambasada e di se unë isha atje. Unë shkova në një vizitë zyrtare, të cilën gabimisht e shpallëm private. Shqipëria nuk është vendi i vetëm që jam ftuar këtë verë dhe nuk është hera e fundit në atë anije, është një punë shtetërore dhe detyra ime. Unë kërkoj falje për gabimin. Unë nuk dua të sfidoj Komisionin për Parandalimin e Konfliktit të Interesit. Unë nuk kam fshehur asgjë dhe kam deklaruar gabimisht se ishte vizite private. Shpenzimet e udhëtimit u mbuluan nga buxheti i shtetit kroat ndërsa akomodimi u bë në rezidencën shtetërore të Republikës së Shqipërisë. Kontakti shoqëror me burra shteti të huaj është një formë e punës time. Çfarë lloj fotografish doni që të publikoja? Mbase doni nga ato të gruas time me rroba banje. Jo, nuk është e mundur, prandaj vendosa që të mos lejoja mediat kroate të vinin atje. Ka një buxhet për këtë dhe kjo është e gjitha. Për 20 vjet gjërat kanë funksionuar në të njëjtën mënyrë”, tha Milanoviç./ CNA.al