Shënim/ Carlo dhe Mira “mburojë” e skandaleve të Veliajt

29 Gusht 2020, 12:19, Politikë CNA

Media në shërbim të kryebashkiakut të Tiranës, Erion Veliaj kanë sulmuar së fundi zëdhënësen e PD-së, Ina Zhupa, duke tentuar që ta stepin atë në denoncimet e vazhdueshme që ka bërë në lidhje me kryebashkiakun e Tiranës, Erion Veliaj.

Ina Zhupa është nga të vetmet personazhe politike të PD-së që nuk ka ndalur në asnjë moment denoncimet publike ndaj kryebashkiakut të Tiranës, të gjitha aferat dhe skandalet e tij.

Por, dje dy media që ruajnë derën e Bashkisë së Tiranës kanë bërë biografinë e bashkëshortit të Ina Zhupës, i cili është një biznesmen, djali i një tjetër biznesmeni të njohur në Tiranë, i quajtur në zhargonin e ditës si ?Colja i Aplpetit?. Ata që merren me tregtinë e karburanteve e njohin mirë se kush është. Zëdhënësja e PD-së nxjerr dokumentet/ Blendi Gonxhe abuzon me patentat për përfitme personale

Pra, Ina Zhupa tashmë duhet të heshtë ndaj Veliajt, duhet të heshtë ndaj skandaleve të Bashkisë dhe denoncimeve të korrupsionit të qeverisë sepse ka marrë për burrë djalin e “Coles”, i cili merret me karburante dhe me tregti dhe na paska një biografi me problem.

Së pari, Carlo Bollinoja nuk mund të ketë moralin, në asnjë rast, të bëjë biografinë e dikujt, pasi është një nga shërbëtorët më të neveritshëm të pushtetit të Rilindjes. Një përfitues direkt i koncesioneve dhe i pronave publike, të cilat merren nga taksat e shqiptarëve, nga pronësia e tyre dhe i jepen Carlos.

Carlo ka bërë biografinë e bashkëshortit të Ina Zhupës për të na thënë se kjo është një njeri me problem.

Në fakt nuk kam mundur të gjej një rrjesht të vetëm kundër zëdhënëses së PD-së, njeriu që po flet çdo ditë kundër Veliajt.

Pra, tani ka ardhur koha që askush të mos flasë më kundër Lali Erit, askush të mos thotë asnjë kritikë ndaj tij, askush të mos denoncojë asnjë skandal ndaj tij, sepse përpara të del Carlo Bollino dhe pastaj materialet i publikon edhe Mira Kazhani dhe mediat e tjera që ka vërdallë lali Eri, të cilat i përdor kur i duhen dhe kur i ?përvëlon?.

Në rastin konkret Carlo dhe Mira nuk na treguan gjë tjetër, veçse Lali Eri paska një shqetësim të madh dhe bezdiset çdo ditë nga denoncimet e Ina Zhupës. E për këtë arsye duhet të merremi me burrin e Inës.

Tani ka ardhur koha ndshta të merremi me gruan e Carlos, me Carlon e kështu me radhë. Por, i vetmi që do të shpëtojë do të jetë Lali Eri, i cili marionetat e tij i çon në sulm për të trembu njerëzit, për t?i shantazhuar ata, për të heshtur dhe për të mos thënë të vërtetën përskandalet që e mbulojnë atë çdo ditë.

Gjithësesi ka ardhur koha që në ditët në vijim të lexojmë dhe të mësojmë më shumë për Carlo Bollinon, shërbimet e tij ndaj Rilindjes, Erion Veliajt, dhe përfitimet që ka pasur. Pa folur më tej për shqetësimet apo denoncimet që kanë ardhur në CNA.al nga media të ndryshme për shkak të intimidimeve të bëra nga Bollino në lidhje me financime dhe sponsorizime për mediat e tij./ CNA.al