web counter
LEXO PA REKLAMA!

SHKARKO APP

App Store
Google Play

Lëvizjet në polici/ Murrizi nuk përmbahet: 15 anëtarët e vettingut paguhen 20 mijë euro në muaj, promovojnë ish-sigurimsat

29 Gusht 2020, 17:53, Politikë CNA

Deputeti Myslim Murrizi ka reaguar ashpër për vettingun në polici, të cilin e quan një farsë të pështirë politike.

Duke marrë shkas nga lëvizjet e fundit në drejtoritë e Policisë së Shtetit dhe më konkretisht emërimi i Albert Dervishit si zv.drejtor i Përgjithshëm, Murrizi deklaron se spiunët e sigurimit po ngjisin majat e karrierës.

Deputeti thotë se 15 anëtarët e vettingut paguhen çdo muaj me një pagë rreth 1300 euro secili dhe pretendon se po promovojnë ish-sigurimsat dhe spiunët.

Sipas tij, 15 anëtarët i kushtojnë buxhetit 20 mijë euro në muaj, pa llogaritur 15 inspektorët dhe administratën.

?Vettingu në polici, një farsë e pështirë politike dhe miliona euro shpenzime nga taksat e Qytetarëve për 15 anëtarët fiktivë të këtij pseudokomisioni.12 Zonja dhe 3 Zotërinj paguhen çdo muaj me një pagë rreth 1300 euro secili dhe spiunët e sigurimit kalojnë vettingun e ngjisin majat e karrierës në Policinë e Shtetit. Vetëm këta 15 anëtarë i kushtojnë buxhetit 20 mijë euro në muaj, pa llogaritur 15 inspektorët dhe administratën.

Shqiptarët paguajnë rreth 400 mijë euro në vit nga taksat e tyre për të mbajtur të punësuar një grusht militantësh që jo vetëm nuk bëjnë vetting në polici, gardë dhe SHÇBA por janë ?ortakë? në promovimin e ish-sigurimsave dhe spiunëve të sigurimit, siç është ?filtri? Albert Dervishi.

E për çfarë ju duhet shqiptarëve ky organ formal hipokrit e parazit kur nuk kryen asnjë funksion nga ato që i ka ngarkuar ligji????? Më mirë djepja bosh sesa dreqi brenda thotë një fjalë e urtë popullore. Me këtë pseudo veting duhet thënë që: Djepja mbushet me dreqër e shejtanë çdo ditë nga këta shërbëtorë të mjerë e të poshtëruar nga pushteti dhe politika?, shkruan Murrizi në rrjetet sociale./ CNA.al





Lajmet e fundit nga