web counter
LEXO PA REKLAMA!

SHKARKO APP

App Store
Google Play

E fundit!

x

Plagosi gruan me thikë pasi u zunë për një çelës/ Arrestohet i moshuari nga Tirana

22 Gusht 2020, 10:08, Kronika CNA

Policia e Tiranës ka arrestuar 73-vjeçarin Ndue Prenga, i cili plagosi rëndë bashkëshorten, pak ditë më parë.

Autori ka deklaruar para gjyqtarit Arben Micko se ngjarja ka ndodhur aksidentalisht, dhe motiv për këtë ka qenë një konflikt për një çelës të shtëpisë.

?Ngjarja ka qenë aksidentale dhe konflikti ka ndodhur për një çelës dere. Ajo ka qenë duke larë enët dhe në debat e sipër jemi zënë. Gjatë konfliktit kemi ardhur vërdallë nëpër shtëpi. Gjatë rrokullisjes ka ndodhur edhe vetëplagosja e saj, pasi më parë më foli me fjalë shumë të pista?, është shprehur 73 vjeçari.

Njoftimi i policisë

Ndërhyrja në kohë e shërbimeve të Komisariatit të Policisë Nr. 5, parandalon përshkallëzimin e mëtejshëm, duke evituar një ngjarje të rëndë kriminale në familje.

Goditi me thikë bashkëshorten në banesë, vihet në pranga 73-vjeçari, me precedent të meparshëm penale në krimet kundër personit.

Sekuestrohet thika me të cilën autori kryeu plagosjen.

Shërbimet e Komisariatit të Policisë Nr. 5, me të marrë njoftim se në rrugën ?Manhatan?, në Kamëz, kishte konflikt në familje, menjëherë kanë shkuar në drejtim të adresës së dhënë.

Në momentin që shërbimet e Policisë janë afruar për të hyrë në banesë, shtetasi N. P., 73 vjeç, sapo ka parë punonjësit e Policisë ka tentuar të largohet, por fale ndërhyrjes së shpejtë dhe veprimeve profesionale është kapur dhe arrestuar nga sherbimet e Policisë.

Shtetasi N. P., pas një konflikti për motive të dobëta ka goditur me thikë bashkëshorten e tij, e cila ndodhet në spital, në gjendje të rëndë shëndetësore.

Në përfundim të veprimeve u bë arrestimi i shtetasit N. P., për veprën penale ?Vrasja për shkak të marrëdhënieve familjare? dhe materialet procedurale i kaluan Prokurorisë, për veprime të mëtejshme.





Lajmet e fundit nga