web counter
LEXO PA REKLAMA!

SHKARKO APP

App Store
Google Play

Rrahu sërish gruan pesë muaj pasi kishte dalë nga burgu/ 47-vjeçari dërgohet në qeli për herë të tretë

21 Gusht 2020, 14:11, Kronika CNA

Dhuna në familje është një fenomen mjaft i rëndë në Shqipëri dhe janë jo të pakta rastet kur një i dënuar për dhunë, rreh sërish ish-partneren apo pjesëtarët e tjerë të familjes.

Një 47-vjeçar nga Tirana është vënë në prangat e policisë pasi ka dhunuar bashkëshorten pesë muaj pasi kishte dalë nga burgu.

Bëhet fjalë për shtetasin me iniciale A.S., i cili është burgosur disa herë për dhunë në familje. Gjithashtu raportohet se për këtë vepër penale ai ka vuajtur dënimin edhe në vitin 2018.

Bashkëshortja e quajtur Liljana L. ka ngritur 8 kallëzime penale ndaj 47-vjeçarit, ndonëse nuk është divorcuar.

?Punoj pastruese e Bashkisë dhe u ktheva në orën 4 të mëngjesit. Im shoq po pinte vetëm, ishte i dehur. Ai nuk më lejoi të hyj në shtëpi, më përzuri. Mora djalin dhe ika tek kushërira. Të nesërmen u ktheva në orën 12. E gjeta duke pirë. Kur hymë në banesë u drejtua nga djali për ta rrahur, ndërhyra për t?i ndarë, atëherë ai mu kthye dhe më qëlloi me grusht në fytyrë?, është shprehur ajo para bluve.

?Kam frikë prej tij, kur ai pi është jashtë kontrollit. Por ama kur është esëll është njeri i rregullt dhe familjar?, ka deklaruar ajo më tej.

Sipas gazetës ?Si?, gruaja ka thënë se kjo është hera e parë që bashkëshorti ka ushtruar dhunë ndaj saj që kur doli nga burgu.

Ndërkohë, 47-vjeçari ka deklaruar: ?Isha i pirë, bëmë vetëm llafe, asgjë tjetër, por këto gratë e sotme nuk durojnë më as fjalët?./ CNA.al





Lajmet e fundit nga