17-vjeçarja u gjet e mbytur në Velipojë/ I riu gënjeu pronarët e motorit të ujit, tentoi të ikte fshehurazi

20 Gusht 2020, 09:30, Kronika CNA

Të tjera detaje kanë dalë në dritë lidhur me ngjarjen e rëndë në Velipojë, ku dje u gjet e mbytur një vajzë 17-vjeçare.

Mësohet se 25-vjeçari Indrit Bajraktari nga Postriba, kishte dalë me motor uji në det së bashku me 17-vjeçaren.

Ndonëse xhiroja ishte planifikuar të zgjaste 30 minuta, dy të rinjtë nuk u kthyen në breg të dorëzonin mjetin e ujit. Kjo ka bërë që pronarët e motorëve të dilnin t?i kërkonin vetë në det, ku kanë pikasur 25-vjeçarin duke tentuar të largohej fshehurazi.

I riu i sapoardhur nga Anglia, kishte gënjyer pronarët e motorit të ujit dhe i kishte thënë se vajzën e kishte lënë në breg për ta marrë xhaxhai, ndërsa më vonë trupi i saj u gjet i pajetë.

Bajraktari është vënë në pranga nga policia, e cila deklaron se ngjarja ka ndodhur rreth orës 14:00.

?Vihet në pranga një 25-vjeçar për ngjarjen e ndodhur në Velipojë ku humbi jetën si pasojë e mbytjes në det një 17-vjeçare. Strukturat hetimore të Drejtorisë Vendore të Policisë Shkodër në bashkëpunim me Shërbimet e Policisë Velipojë, menjëherë pas ngjarjes së ndodhur ku humbi jetën si pasojë e mbytjes në det një 17-vjeçare, organizuan punë nën drejtimin e Prokurorisë së Rrethit Gjyqësor Shodër për zbardhjen e rrethanave të ngjarjes.

Në përfundim të veprimeve të para hetimore u bë arrestimi në flagrancë i shtetasit:

? I. B., 25 vjeç, banues në fshatin Kullaj, Njesia Administrative Postrribë Shkodër.

Nga tërësia e veprimeve hetimore rezultoi se më datën 19.08.2020, rreth orës 14:00, në vendin e quajtur Vilu, plazh Velipojë Shkodër, ky shtetas ka hyrë në det me motorr uji të marrë me qera së bashku me shtetasen E. D., 17 vjeçe, banuese në Bathore. Rreth orës 16:30, ky shtetas ka dalë në breg pa motorrin e ujit duke lënë të mbytur në ujë shtetasen E. D., e cila kishte ardhur për pushime së bashku me familjen e saj. Në cilësinë e provës materiale u sekuestrua çelësi i motorrit?, thuhet në njoftimin e policisë.

Ndërkaq, materialet i kaluan Prokurorisë pranë Gjykatës së Shkallë së Parë Shkodër për veprime të mëtejshme për veprat penale ?Shkaktimi i vetëvrasjes?, ?Moskallëzimi i krimit? dhe ?Veprime që pengojnë zbulimin e së vërtetës?./ CNA.al

Gjendet e pajetë 17-vjeçarja në plazhin e Velipojës/ Arrestohet 24-vjeçari