web counter
LEXO PA REKLAMA!

SHKARKO APP

App Store
Google Play

E fundit!

x

"Nuk e dija që në makinë ishte shoku im!"/ Zbardhet dëshmia e autorit të vrasjes në Shkodër

19 Gusht 2020, 08:15, Kronika CNA

Zbardhet dëshmia e autorit të vrasjes në Shkodër dhe shënjestrës që shpëtoi.

Stjuart Smakaj që aksidentalisht vrau shokun e ngushtë, i penduar është shprehur para grupit hetimor pas dorëzimit se nuk e dinte që në makinën drejt së cilës qëlloi nga kati i dytë i banesës ndodhej shoku i ngushtë Gledis Kraja.

23-vjeçari ka treguar se shënjestra ishte Denis Halili pas debatit që kishin pasur.

“Nuk e dija që në makinë ishte edhe shoku im. Kam debatuar me Denis Halilin dhe kam qëlluar nga kati i dytë i pallatit” mësohet se është shprehur ai.

Ndërkohë që shënjestra ka rrëfyer si u shpëtoi plumbave.

“Deri tek makina më ndoqi shoku i autorit Gledisi, në momentin kur u qëllua me armë u shtriva në tokë dhe më pas ika me shpejtësi”, tha ai.

Konflikti ndodhi pas debatit për disa mobilie, që autori i kishte porositur te Halili. Ndërkohë në kërkim është vëllai i autorit Sebastian Smakaj.  Në vendin e ngjarjes u gjetën 18 gëzhoja, makina tip ‘Ford’ ku ndodhej ish-futbollisti i Vllaznisë u bë shoshë nga plumbat. Stjuart Smakaj është person me precedent penal. Në vitin 2015 ai u arrestua së bashku me 3 persona të tjerë, pasi sulmuan tre punonjës policie me levë hekuri dhe sende të tjera metalike duke i plagosur.

Ndërkohë që viktima Gledis Kraja pasi hoqi dorë nga futbolli, aktualisht punonte në një kompani dezinfektimi. Gledis Kraja ka qenë futbollist tek ekipi i Vllaznisë në vitin 2013. /CNA.al





Lajmet e fundit nga