web counter
LEXO PA REKLAMA!

SHKARKO APP

App Store
Google Play

Detaje nga plagosja në Kavajë/ 19-vjeçari u konfliktua me gjyshin dhe e goditi me thikë

18 Gusht 2020, 08:49, Kronika CNA

Dalin detajet e para nga ngjarja tronditëse që ka ndodhur në lagjen numër 5 në Kavajë, ku një 19-vjeçar ka plagosur me thikë gjyshin e tij.

Blutë bëjnë me dije se i riu me inciale D.G. ishte konfliktuar me gjyshin për motive të dobëta dhe sherri ka degraduar në përdorimin e thikës.

Pas njoftimit të marrë se në lagjen Nr.5 Kavajë kishte konflikt në familje , ku nipi kishte goditur me thikë gjyshin e tij, menjëherë shërbimet e Komisariatit të Policisë Kavajë, kanë shkuar në adresën e dhënë.

Në momentin që shërbimet e Policisë janë afruar në vendin e ngjarjes, 19-vjeçari, është larguar me shpejtësi. Në ndjekje të tij janë vënë forca të shumta të Policisë dhe pas disa orë ndjekjeje dhe kontrollesh kanë bërë të mundur kapjen e tij.

Në përfundim të veprimeve u bë arrestimi i të riut, pasi gjatë një konflikti për motive të dobëta goditi me thikë gjyshin e tij shtetasi R. B., i cili ndodhet në spital, jashtë rrezikut për jetën.

Në cilësinë e provës materiale u gjet dhe u sekuestrua mjeti prerës (thikë) me të cilën autori kryeu plagosjen.

Ndërkaq, materialet i kaluan Prokurorisë, për veprime të mëtejshme, për veprat penale ?Dhuna në familje? dhe “Mbajtja pa leje e armëve të ftohta”./ CNA.al

Krim i rëndë në familje/ 19-vjeçari plagos me thikë gjyshin në Kavajë





Lajmet e fundit nga