web counter
LEXO PA REKLAMA!

SHKARKO APP

App Store
Google Play

E fundit!

x

Radhët në Kakavijë/ Leonard Olli: Kapitullim i qeverisë, 2-3 dorëheqje do të ishin më e pakta

14 Gusht 2020, 12:02, Politikë CNA

Leonard Olli, anëtar i Bordit Drejtues të Bindjes Demokratike shprehet se me radhët krijuara në Kakavijë e Kapshticë, reagimet e ministrit Lleshaj janë veç fluska që nuk i shërbejnë askujt.

Sipas Ollit, këtu bëhet fjalë për skandal e turp që duhet të reflektohet me dorëheqje në qeveri.

?Reagimi i vonuar i ministrit Lleshaj dhe autoriteteve të kufirit, pasi që kur autoritetet greke deklaruan kufizimet e lëvizjes duhej të kishin filluar njoftimet dhe informimi publik. Të kërkosh sot të normalizosh qarkullimin në pikat kufitare është një lloj si kofini pas të vjelit. Pa folur pastaj për paaftësinë totale në menaxhimin e situatës për pajisjen me pasaporta të shqiptarëve që jetojnë jashtë. Përgjegjësia e ministrit të Brendshëm është edhe më e madhe se ajo e ministrisë së Jashtme! Ky nuk është thjesht një turp, por një kapitullim pa kushte i pushtetit që ka marrë peng shtetin! Nja dy, tre dorëheqje do ishin më të paktat që mund të ndodhnin në vend të justifikimeve verore pa fund….. në fund të fundit paguheni nga taksapaguesit, pra nga shqiptarët, nuk jeni njësi autonome!?, shkruan Olli. /CNA.al





Lajmet e fundit nga