E fundit!

07:36 Ekonomi

Auditorët e BE: Projektet e transportit në Shqipëri dhe Ballkan, të ngadalta dhe të pambikëqyrura

Shqipëria, së bashku me vendet e tjera të Ballkanit Perënd...

Faktet/ Mediat shqiptare me kodin e mafies

9 Gusht 2020, 09:30, Aktualitet CNA

Kodi i mafies është një fakt, fatkeqësisht edhe për mediat shqiptare dhe pronarët e tyre. Një pikë të atij kodi mediat e kanë të pashkruar por që e respektojnë.

Me heshtje kur cënohen interesat e njeri-tjetrit, nuk i japin zë skandaleve ku ata vetë përfshihen, ose ndonjërit prej tyre ia nxjerr dikush tjetër, edhe kur përplasen dy palë të tjerët heshtin dhe respektojnë “luftën”.

Një kod mafioz dhe kriminal nga media shqiptare. Këtu përfshihen jo vetëm pronarët por edhe drejtuesit e medias dhe shumë nga analistët që mbajnë iso në studio televizive.

Le të shohim faktet

Faktet flasin vetë, po sjellim disa të kohëve të fundit. CNA.al solli në muajin mars një skandal, blerjen e aksioneve të Lori Kafe nga një kompani Bullgare ku ortakë ishin dy nga pronarët e koncesionit të inceneratorëve dhe noterja Eva Blushi, bashkëshortja e Ben Blushit, drejtor i Top Channel. Për herë të parë në 30 vjet zbardhej qartësisht një skeme. Qeveri-klientë-media, sepse pronarët e Top Channel, në televizionin kombëtar bëheshin ortakë me pronarët e koncesionit korruptiv të inceneratorëve.

Në rastin më të mirë të gjithë mediat duhet të ishin bashkë përballë këtij fakti sepse zëri i lirë ishte mbytur nga koncesioni, për të cilin ky televizion në fakt për shumë kohë, sapo futi kokën Ben Blushi thoshte se inceneratorët i duheshin Shqipërisë. Megjithëse shqiptarët do paguanin të paktën 178 milionë euro.

Heshtën edhe rivalët mediatikë të Top-it, heshtën analistë, gazetarë dhe gjithçka u tentua të kalohet në heshtje.

Ylli Ndroqi është një tjetër rast skandaloz. Publikohen dokumentet që tregojnë se ai është një person me gjeneralitete të ndryshuara dhe i arrëstuar për drogë në Turqi. Pronar televizioni dhe i dënuar për drogë. Kudo në media në çdo vend të botës do përbënte skandal deri në largimin e tij nga kjo fushë, por në Shqipëri heshtën. Askush nuk foli as mediat kryesore, as analistët dhe as shumica e gazetarëve. Shijonin paditë fictive ndaj kolegëve ku Xhemail Pasmaçiu (Ylli Ndroqi), shpresonte ti fitonte.

Shkojmë më tej tek rasti i fundit i falsifikimit të dokumentave për një pasuri gati 500 milionë në një zyrë noterie, për një pasuri të vajzës së ish- deputetit socialist Ben Blushi, sërish heshtje nga mediat kryesore si dhe analistë e gazetarë.

Irfan Hysenbelliu, botues e biznesmen, ndërton 8 kate pa leje në mes të ditës, mediat heshtin të gjithë, pa folur se çan rrugën për interes të tij, apo bllokon plazhin publik me beton dhe askush nuk flet.

Pa folur më tej për skandalet e shumicës së botuesve që publiku i mëson kur përplasën dy prej tyre, por edhe në këtë rast të tjerët heshtin.

Nuk janë kurrë të vërteta dhe në interes të qytetarëve, për më tepër gjejnë dhe argumentin, ata e kanë personale, ç’punë kemi ne.

Së fundi një biznesmen u sulmua ashpër për ti rrëmbyer me abuzim ligjor investimin e jetës së tij. Media që e sulmonte kishte lidhje të forta me ortakun e tij, për shkak të dashurisë së pronares me djalin e tij.

Biznesmeni që sulmohej shkon në një nga pronarët e medias dhe i kërkon mbështetje dhe i tregon çdo dokumentacion dhe faktet konkrete. Përgjigja është kriminale: Ne kemi kodin tonë të heshtjes të pashkruar. Kështu tha një prej atyre që emrin e ka më lart, për një prej atyre që serish emrin e ka më lart.

Ndoshta në këtë shkrim mungojnë shumë raste e ngjarje por thelbi është i njëjtë. Mediat në Shqipëri kanë kod si mafia, ata heshtin për bëmat, gjëmat dhe zullumet e njëri- tjetrit, vetëm kur përplasen për thelën që ata mendojnë se ju takon.

Kjo media është po aq dhe ndoshta më shumë përgjegjëse sesa vetë politika për gjendjen e vendit, për shkak se është bërë vasale dhe vegël korruptive e interesave të politikës dhe pushtetit të rradhës./CNA.al