web counter
LEXO PA REKLAMA!

SHKARKO APP

App Store
Google Play

Shtohen rastet me Covid në Francë/ Pjesa dërrmuese të rinj 20 dhe 30-vjeçarë

31 Korrik 2020, 19:34, Kosova & Bota CNA

Në Francë rastet e reja me Covid-19, janë rritur me 54 për qind gjatë kësaj jave, ndërsa po preken gjithnjë e më tepër të rinjtë

Numri i rasteve të reja me Covid-19 në Francë është rritur me 54 për qind gjatë kësaj jave.

Instituti i Shëndetësor Publik në Francë ka treguar se 69 përqind e rasteve të reja me Covid-19 janë të moshës 15 deri në 44 vjeç me një rritje të ndjeshme mes moshës 20-25 vjeç. Ndërsa, më shumë se gjysma e rasteve të reja pozitiv me Covid-19 janë asimptomatik.

Gjatë 24 orëve të fundit në Francë u regjistruan 1, 377 raste të reja, dhe u zbuluan 151 vatra të reja infeksioni. Në spital kanë humbur jetën 16 persona, duke e çuar numrin e të vdekurve në 30, 254 në total.

Rritja e numrit të të infektuarve mendohet, sipas autoriteteve shëndetësore franceze të ketë ndodhur për shkak të grumbullimeve në aktivitete në mjedise të hapura dhe të mbyllura.

Në Francë është bërë e detyrueshme mbajtja e maskave pavarësisht rritjes së temperaturave. /CNA.al





Lajmet e fundit nga