E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

SHBA plane për tërheqjen e 12 mijë trupave nga Gjermania

29 Korrik 2020, 18:30, Kosova & Bota CNA

Zyrtarët ushtarakë amerikane shpallën planet për të tërhequr rreth 12,000 trupa nga Gjermania pas një vendimi të Presidentit Donald Trump, por thanë se do ta mbajnë gati gjysmën e tyre në Evropë për shkak të tensioneve me Rusinë.

Muajin e kaluar Presidenti Trump njoftoi synimin e tij për ta shkurtuar kontingjentin e trupave amerikane prej 36,000 vetësh në Gjermani në 25,000, duke e fajësuar aleaten e ngushtë të NATO-s se nuk ka përmbushur detyrimet finanaciare për mbrojtjen dhe duke e akuzuar se përfiton nga tregtia me Shtetet e Bashkuara.

“Nuk duam të jemi më humbës,” u tha Presidenti Trump gazetarëve të mërkurën në Shtëpinë e Bardhë. “Po i pakësojmë trupat sepse ata nuk po paguajnë faturat, është shumë e thjeshtë,” tha ai.

Sekretari i Mbrojtjes Mark Esper është përpjekur, megjithatë, ta paraqesë tërheqjen e trupave si diçka që nuk do të lejonte të minohej NATO-ja dhe përpjekjet e saj për të penguar ndërhyrjen ruse, pas anekesimit nga Moska të gadishullit ukrainas të Krimesë në vitin 2014.

Në komentet që ka të ngjarë ta irritojnë Moskën, Sekretari Esper tha disa trupa amerikane do të ripozicionohen në rajonin e Detit të Zi dhe disa mund të vendosen përkohësisht dhe pjesë-pjesë në Balltik.

Forcat e tjera që largohen nga Gjermania do të vendosen përgjithmonë në Itali ndërsa shtabi evropian i ushtrisë amerikane do të zhvendosej nga Shtutgarti i Gjermanisë për në Belgjikë.

Në total, rreth 5.400 trupa nga 12,000 që largohen nga Gjermania pritet të mbeten në Evropë.

Shumë nga forcat e mbetura do ta kenë bazën në Evropë por do të të dërgohen me rotacion në Evropë për dislokim të përkohshëm pa familjet e tyre.

“Me këtë do të realizohet ajo që tha Presidenti tha në lidhje me uljen e numrit të trupave tona në Evropë. Kjo përmbush gjithashtu objektivat e tjera të tij që unë përmenda përsa i përket pjesës strategjike,? tha Sekretari Esper.

Sidoqoftë, zhvendosja e trupave jashtë Gjermanisë paraqet një kritikë të pazakontë ndaj njërit prej aleatëve ushtarakë dhe partnerëve tregtarë më të ngushtë të SHBA.

Kryeministrat e katër landeve gjermane, ku janë stacionuar trupa të SHBA, u kanë bërë thirrje anëtarëve të Kongresit amerikan të bllokojnë planet e Presidentit për tërheqjen e tyre, që disa zyrtarë të tanishëm dhe të mëparshëm amerikanë e kritikojnë si një lëvizje me motive politike dhe jo strategjike.

Fushata e kandidatit të pritshëm demokrat Joe Biden i tha agjencisë Reuters muajin e kaluar se nëse zgjidhet president, zoti Biden do ta rishqyrtojë vendimin e presidentit republikan për tërheqjen e trupave nga Gjermania.

Zyrtarët amerikanë theksuan se vetëm një numër relativisht i vogël trupash do të lëvizë së shpejti. Për zhvendosjen e pjesës tjetër do të duhen vite që të realizohet plotësisht.

“Do të duhen muaj për t?u planifikuar dhe vite për t?u ekzekutuar sepse është një lëvizje shumë komplekse,” tha njëri nga zyrtarët, duke përmendur se kjo mund të kërkojë miliarda dollarë fonde dhe planifikime të mëtejshme nga degët e ndryshme të forcave të armatosura./ VOA