web counter
LEXO PA REKLAMA!

SHKARKO APP

App Store
Google Play

E fundit!

x

Merret vendimi/ Nga nesër kufizohet lëvizja në Kosovë, orari kur s’mund të dilet nga shtëpia

27 Korrik 2020, 20:40, Kosova & Bota CNA

Duke marrë shkas nga shifrat në rritje të të infektuarve, Qeveria e Kosovës dhe Ministria e Shëndetësisë kanë vendosur që të zgjasin orarin e kufizimit të lëvizjes.

Nga dita e nesërme, mësohet se do të ndalohet qarkullimi që në orën 22:30 deri në orën 5:00 të mëngjesit në 13 komuna.

Sipas njoftimit, qytetrarët mund të lëvizin vetëm në raste urgjence shëndetësore, të kujdesit për të sëmurë, vdekjeje dhe së nxjerrjes së kafshëve në largësinë 500 metra nga banesa.

?Nga data 28 korrik 2020, duke filluar nga ora 22:30 deri në orën 05:00, ndalohet çfarëdo qarkullimi i personave fizik jashtë shtëpive/banesave të tyre në Komunat: Prishtinë, Prizren, Pejë, Podujevë, Gjakovë, Ferizaj, Lipjan, Drenas, Vushtrri, Mitrovicë e jugut, Gjilan, Fushë Kosovë dhe Shtërpcë përveç:

Në raste urgjente shëndetësore;

Në rast të nevojës për t?u kujdesur për të sëmurë, për persona me nevoja të veçanta, vetëm nëse të sëmurët apo personat me nevoja të veçanta nuk kanë mundësi të kujdesen për vetveten;

Në rast të kërkimit të ndihmës nga institucione përkatëse, siç është rasti me viktimat e dhunës familjare;

Në rast të vdekjes së anëtarit të familjes;

Në rast të paraqitjes së nevojave për dalje jashtë shtëpisë/banesës për nevojat fiziologjike të kafshëve, por jo më larg se 500 metra nga banesa/shtëpia (por, nuk lejohet shfrytëzimi i këtyre rasteve për të kryer ndonjë punë tjetër ose për ndonjë qëllim tjetër përveç atij të përcaktuar)?, thuhet në njoftim./ CNA.al





Lajmet e fundit nga