web counter
LEXO PA REKLAMA!

SHKARKO APP

App Store
Google Play

Zëvëndësuesi ideal i Levandovskit, Bayerni hidhet në sulm për Edison Kavanin

30 Korrik 2020, 14:06, Sport CNA

Edison Kavani eshte nje deshire e shume klubeve te njohura europiane në merkato. Për sulmuesin në skadencë kontrate me PSG-në, janë futur në garë edhe gjigantët e Bajernit të Mynihut, të cilët e shohin ?El Matador? si kandidatin ideal për të qenë zëvendësuesi i Robert Levandovskit.

Bavarezët kanë vite që diskutojnë afrimin e një sulmuesi me peshë për të zëvendësuar numrin e tyre 9. 31- vjeçari duhet të ketë një lojtar kalibri për të zënë vendin e tij kur ai të ketë nevojë për pushim apo të jetë i dëmtuar.

Sipas sajtit francez ?Le10Sport?, gjermanët e kanë seriozisht për të siguruar një marrëveshje me Kavanin madje burimet e tyre shkojnë më tej se Bajerni ka pasur bisedime edhe me gjysmëvëllanë e Kavanit, i cili bën edhe menaxherin e tij.

Sigurisht që për të bindur ish-yllin e Napolit për të zgjedhur klubin e ardhshëm do duhet të plotësohen interesat e tij financiare, që janë më shumë se 220 mijë euro në javë.

Benfika vazhdon të mbetet në një fazë më të avancuar bisedimesh. Deri tani, portugezët shpresonin se fakti që ata luajnë në Champions do ta bindte sulmuesin për të ulur pretendimet për rrogën.

Por futja e Bajernit në mes mund të spostojë ekuilibrat, duke i bërë gjermanët natyrisht preferencë të parë për sulmuesin. Kavani, pavarësisht moshës së tij garanton ende gola kudo që do të shkojë. Ai shënoi 200 gola në 301 ndeshje me kampionët e PSG-së, pasi kishte realizuar 104 gola në 138 ndeshje me Napolin./CNA.al





Lajmet e fundit nga