web counter
LEXO PA REKLAMA!

SHKARKO APP

App Store
Google Play

E fundit!

x

Rrahman Hallaçi merr postin e rëndësishëm te Kukësi

30 Korrik 2020, 07:57, Sport CNA

Fillimisht si trajner, e më pas si zëvendës, Hallaçi u mundua të ndihmonte sa më shumë Kukësin e këtij sezoni.

Së fundmi nga klubi verilindor bëjnë më dije se eksperienca e ish-mbrojtësit te ekipi i parë ka përfunduar, pasi drejtuesit i kanë besuar një tjetër pozicion të rëndësishëm.

Ai do të jetë trajneri i Kukësi U21, ekip i krijuar rishtazi, si një kusht nga ana e Federatës Shqiptare të Futbollit.

POSTIMI I KLUBIT TË KUKËSIT:

?Klubi i Kukësit njofton se duke nisur nga dita e sotme, e enjte, datë 30/07/2020, do të krijohet skuadra e Kukësit U21. Kjo nismë e marrë nga FSHF në bashkëpunim me klubet e kampionatit shqiptar, do të nisë zbatimin nga klubi ynë, projekt nga i cili pritet që shumë të rinj të kenë hapësira të nevojshme për të treguar vlerat e tyre në futboll dhe për t?u promovuar duke qenë një vlerë e shtuar për ekipin e parë.

Skuadra e Kukësit U21, do të drejtohet nga ish-kapiteni dhe trajneri Rraman Hallaçi, të cilit klubi i ka besuar këtë projekt shumë të rëndësishëm për të ardhmen e klubit të Kukësit. Kukësi U21, do të zhvillojë nesër stërvitjen e parë zyrtare nën urdhrat e trajnerit Hallaçi duke nisur nga ora 19:00 në fushën stërvitore, ?Football Republic?.

Njëkohësisht, ditën e nesërme do të prezantohen edhe futbollistët që do të jenë pjesë e këtij ekipi dhe padyshim, objektivat do të jenë madhorë ashtu si të skuadrës se parë. Ditët në vijim, do të ketë edhe detaje te tjera në lidhje me fillimin e kampionatit të U21 për sezonin 2020-2021?, shkruhet në njoftimin e klubit të Kukësit.





Lajmet e fundit nga