web counter
LEXO PA REKLAMA!

SHKARKO APP

App Store
Google Play

Transferohet te Shkëndija/ Dita: Skënderbeu e Korça, me shkronja të arta në zemrën time

30 Korrik 2020, 06:25, Sport CNA

Bruno Dita bëhet gati të nisë një aventurë të re në karrierën e tij. Mesfushori do t?i bashkohet këto ditë Shkëndijës së Tetovës, për të nënshkruar për dy vite me ekipin e vendit fqinj.

Kështu, ai i ka dhënë lamtumirën Skënderbeut duke luajtur sot ndeshjen e fundit me fanellën e kësaj skuadre. Dita ka zgjedhur rrjetet sociale si mënyrë që të falënderonte korçarët për këtë eksperiencë intensive trevjeçare, ku ariti të tregonte veten edhe në futbollin europian.

?Faleminderit Korça dhe KF Skënderbeu!!!

Gjithmonë ndarja është e vështirë, por çdo fillim e ka një fund. Këto 3 vite aty janë momentet më të bukura të karrierës sime deri tani dhe unë nuk do i harroj kurrë çfarë kaluam së bashku. Dua të falënderoj në radhë të parë të gjithë shokët e skuadrës, presidentin e ekipit Ardjan Takaj, tifozerinë ?Ujqërit e Deborës? që në çdo moment, të mirë apo të keq më kanë përkrahur vazhdimisht. Një falenderim të veçantë kam për trajnerët e mi, Ilir Daja dhe Orges Shehi që së bashku me ndihmësit e tyre më mësuan kaq shumë këto vite dhe më rriten profesionalisht si futbollist. Skënderbeu dhe Korça me njerëzit e saj të mrekullueshëm do të jenë të gdhendura me shkronja të arta në zemrën time e do kenë një vend të veçantë aty? shpresoj që rrugët tona të bashkohen përsëri një ditë, ja u dëgjofsha të mirën jo vetëm në Shqipëri por edhe në Europë shumë shpejt. Suksese SKËNDERBE?, shkruante Dita në rrjetet sociale për të dekretuar këtë lamtumirë.





Lajmet e fundit nga