Eksod në Korçë, çfarë po ndodh me Skënderbeun?!

30 Korrik 2020, 10:09, Sport CNA

Pas vërshëllimës përfundimtare në ndeshjen ndaj Partizanit, që u mbyll me fitoren 4-1 te Skënderbeu ka shpërthyer eksodi. Kanë qenë vetë protagonistët që e kanë pranuar largimin nga Korça. Enea Koliçin gjatë kohës që po luante ndaj Partizanit, Gjilani i trajnerit Mezani e prezantonte si përforcim të ri, ku kishte firmosur kontratë dyvjeçare. Bruno Dita gjithashtu e ka pranuar se do t?i bashkohet Shkëndijës së Tetovës, ndërsa Dejvi Bregu tani pret të nisë një aventurë të re. Ndërkohë që në ditët e ardhshme pritet të largohen edhe Pëllumbi, Jashanica, Krasniqi dhe Gripshi. Ja deklaratat e të larguarve të parë:

BRUNO DITA: ?Kjo ishte ndeshja ime e fundit me Skënderbeun. Jam i lumtur që me fitoren ndaj Partizanit e mbyllëm në vendin e katërt. Është një klub që ka dhënë shumë për mua dhe unë për të, prandaj më takon që ta uroj dhe dua gjithmonë t?i dëgjoj të mirën në Shqipëri dhe Europë. Shpresoj që sa më shpejt të vijë vendimi pozitiv nga Gjykata Federale. E them këtë me zemër, jo se kam luajtur një pjesë të suksesshme të karrierës këtu, porse është humbje për futbollin shqiptar dënimi i Skënderbeut. Gjithçka është e mbyllur dhe unë do të luaj jashtë Shqipërisë. Kam firmosur me Shkëndijën e Tetovës për dy vite jam i lumtur që do të jem atje. Besoj se kam bërë zgjedhjen e duhur, por në Korçë jam ndier mirë gjithmonë dhe kam lënë miq të shumtë dhe rruga ime është e hapur për një rikthim këtu?.

ENEA KOLIÇI: ?Zyrtarisht unë luajta ndeshjen time të fundit te Skënderbeu, pasi nga sot (dje) jam lojtar i lirë. Në ditët e fundit ka shfaqur interes të fortë ekipi i Gjilanit për shërbimet e mia dhe do të mbyll shumë shpejt transferimin në Kosovë. Do të jetë eksperiencë e re dhe shpresoj që gjërat të shkojnë siç dua unë. Ky sezon mund të shkonte dhe më mirë. Kemi pasur oshilacione, por besoj se objektivin e arritëm. Të vjen keq që largohesh kështu nga ky qytet. Do të kisha dashur të kishte dalë vendimi dy muaj më parë. Shpresoj që vendimi të jetë pozitiv për këtë klub, pasi ky ekip meriton të jetë në elitën e futbollit shqiptar për gjithçka që i ka dhënë kampionatit tonë?.

DEJVI BREGU: ?Kjo ka qenë ndesh ja ime e fundit me Skënderbeun. Falënderoj të gjithë në Korçë që më kanë mbështetur në të mirë dhe në të keqe. Falënderoj presidentin dhe klubin për gjithçka që kam kaluar këtu dhe të gjithë ata që e kanë mbështetur Bregun në çdo vështirësi. Për sa i përket të ardhmes sime do të vlerësoj çdo gjë me kujdes. Një telefonatë e Abilaliajt dhe Aliajt bëjnë që çdo gjë për mua të ndryshojë dhe të jetë më e mira për mua. Telefonata ka pasur të ndryshme dhe jemi duke vlerësuar situatën për të zgjedhur më të mirën?.