web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Kukësi largon nga drejtimi i ekipit Orges Shehin

30 Korrik 2020, 13:16, Sport CNA

Orges Shehi nuk do të jetë trajneri i Kukësit për sezonin e ardhshëm. Lajmi eshte konfirmuar nga nje komunikate per mediat ne faqen zyrtare te Kukesit.

Klubi i Kukësit njofton se Orges Shehi nuk është më trajner i skuadrës sonë. Pas përfundimit të sezonit, presidenti dhe trajneri kanë rënë dakord për të mos vazhduar më aventurën së bashku. Megjithëse një trajner i ri në eksperiencë, presidenti i besoi trajnerit Shehi një nga ekipet më të mira që Kukësi ka pasur. Klubi i Kukësit e falënderon trajnerin Shehi për kontributin e dhënë në këtë periudhë të vështirë për futbollin shqiptar dhe jo vetëm dhe i uron suksese në të ardhmen.

Durrsaku erdhi në muajin mars në drejtim të Kukësit, ku zëvendësoi të shkarkuarin Shpëtim Duro. Ish-portieri kishte qëllim të arrinte Tiranën të distancuar me 9 pikë në renditjen e Superiores dhe të fitonte Kupën e Shqipërisë.

Asnjëri nga këto objektiva nuk u mbërrit dhe Gjici nuk i fal dështimet. Mësohet se te Kukësi ka patur një takim kokë më kokë mes trajnerit dhe presidentit, ku është vendosur përfundimi i bashkëpunimit./CNA.al





Lajmet e fundit nga