E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Halili flet si kampion: Sezon me sakrifica, Egbo rri nëse…

30 Korrik 2020, 20:48, Sport CNA

Sakrifica, presion, kritika dhe probleme, por vjen momenti i qetësisë dhe i festës edhe për të. Presidenti i Tiranës, Refik Halili, teksa pozon me skuadrën me trofeun në duar, gjen momentin të ndalet për të falënderuar të gjithë bashkëpunëtorët e tij, ata që i kanë qëndruar afër dhe që e kanë mbështetur. Për ?Panorama Sport?, numri një i klubit flet për emocionet e festës së titullit, por edhe për të ardhmen, sidomos të trajnerit.

Titull pas sakrificave që keni bërë për Tiranën. Cila është ndjesia e këtyre momenteve, teksa sapo pozuat me kupën dhe skuadrën?

Jam shumë i gëzuar, kuptohet që është një arritje shumë e madhe dhe merita është e të gjithë skuadrës, stafit, drejtuesve të ekipit. Të gjithë kanë sakrifikuar, të gjithë kanë punuar dhe të gjithë kanë duruar që ne ia kemi arritur ta finalizojmë me titullin kampion këtë sezon. Mendoj se ky titull erdhi falë të gjithëve, por edhe falë një menaxhimi të mirë. Derisa arritëm te kjo fitore, them se ka pasur një menaxhim të suksesshëm në ekip. Sot jemi kampion dhe nuk ka se si të mos jetë një gëzim shumë i madh.

Kujt ia dedikoni?

Sinqerisht, ia dedikoj familjes. Gjithashtu, skuadra është baza kryesore që ne kemi arritur këtu. Të gjithë bashkë: staf, lojtarë, drejtues të skuadrës, drejtori dhe të gjithë me radhë. Gjithashtu, ata njerëz që kanë afruar futbollistët, Hektor Çomo dhe miqtë e mi Petrit Xhepa, Gent Bomi, Xhelil Isaji dhe shumë e shumë të tjerë që më kanë shoqëruar gjithandej. Sakrificë dhe më në fund, Zoti na e shpërbleu.

Egbo a do të konfirmohet?

Do të jetë pjesë e skuadrës sonë. Do të jetë trajneri ynë.

Vetëm për Kupat e Europës apo edhe për sezonin?

Ta themi haptazi, nëse do të kemi sukses, pse të mos vazhdojmë. Gjithmonë klubi ynë ka presion, kërkohet që ne të fitojmë. Kuptohet që nuk pyesin as për drejtues, as për gjë tjetër dhe tifozët duan fitore. Ne do të bëjmë më të mirën dhe në Kupat e Europës do të kemi një financim të cilin do ta shihni në ditët në vazhdim.

Brenda datës pesë, do ta shikoni që do të kemi një ekip të mirorganizuar për t?u nisur drejt fazës përgatitore. Jemi në negociata të vazhdueshme prej shumë kohësh dhe mendoj se brenda datës pesë çdo gjë do të mbyllet.