Thumbon Safet Gjici: Ja c'do bëja nëse do isha në vend të Tiranës

22 Korrik 2020, 10:20, Sport CNA

Kukësi do të ketë shumë shpejt një impiant modern të rikonstrukturuar. Dje, teksa vizitoi punimet e kryera së bashku me presidentin e FSHF-së, Armand Duka, Safet Gjici, kryetari i bashkisë së Kukësit, ka komentuar për mediat edhe skuadrën verilindore, duke e cilësuar se tashmë është vetëm president nderi.

KUKËSI ? ?Nuk e quaj një sezon të dështuar, edhe pse për ne objektiv ishte titulli kampion. Për shkak të këtij stadiumi nuk jemi, pasi po të luanim këtu (në Kukës), do e mbyllnim gjithçka tri javë para fundit të kampionatit. Gjithsesi, kampionati më i madh për Kukësin dhe kuksianët është kjo vepër madhështore që po bëhet nga FSHF dhe qeveria shqiptare. Stafi drejtues është në detyrë derisa të mbarojnë ndeshjet e kampionatit. Kur të mbarojnë këto takime të mbetura, do të bëhet analiza dhe klubi do të vendosë. Unë jam president nderi, vetë klubi vendos si do të vazhdohet.

Pas ndeshjes me Luftëtarin, klubi do të bëjë analizat për stafin dhe lojtarët. Janë të tjerë ata që e gjykojnë pse nuk u arrit objektivi. Lojtarët janë aktorët kryesorë dhe kanë përgjegjësinë kryesore për dështimin në arritjen e objektivit. Më vjen keq për Kupën, pasi e kishim në dorë. Mund të dilnim lehtë në finale. Gjithsesi, ky është futbolli. Objektivi për sezonin tjetër? Do rikthehemi fuqishëm, do përforcohemi dhe do jemi në garë për titullin kampion. Do tentojmë ta sjellim këtu sërish. Për merkaton do merren të tjerë?, është shprehur fillimisht Gjici.

TIRANA ? I pyetur se ?keni uruar Tiranën, mos ndoshta tani prisni që të ketë një masë për ndeshjen ndaj Bylisit?, Gjici është përgjigjur: ?Matematikisht ka dalë kampion. Nuk është e mirë ajo shija e asaj ndeshjes me Ballshin dhe për Tiranën nuk vlen.

Gjithsesi, janë organe të tjera që merren me atë punë, nuk është Kukësi. I kemi uruar me të drejtë, sepse janë shpallur kampionë. U uroj suksese. Për të tjerat merret UEFA dhe FSHF. Nëse do isha në vendin e Halilit, nuk duhet të bëhej ashtu ajo ndeshje. Nuk kam prova, por me aq sa kam parë, them se nuk ishte e denjë dhe serioze për Tiranën?, ka deklaruar Safet Gjici.