web counter
LEXO PA REKLAMA!

SHKARKO APP

App Store
Google Play

Dyshimet për Bylis-Tirana, ja çdo ndodhë sot në komisionin e Etikës

22 Korrik 2020, 07:00, Sport CNA

Hetimi për ndeshjen e parë gjysmëfinale të Kupës së Shqipërisë mes Bylisit dhe Tiranës, luajtur më 2 korrik në stadiumin ?Adush Muça? të Ballshit, do të kulmojë sot me seancën e radhës në Komisionin e Etikës në orën 14:00. Anëtarët e komisionit do të shqyrtojnë dëshminë e presidentit të Tiranës, Refik Halili.

Ky i fundit, pasi u paraqit më 14 korrik para komisionit, kërkoi që mbrojtjen e tij ta dorëzonte edhe me shkrim. Tri ditë më vonë, më 17 korrik, në FSHF mësohet se Halili ka dorëzuar dëshminë e tij të mbrojtjes dhe sot anëtarët kanë në dosje të gjitha palët e përfshira. Kjo do t?u japë mundësinë edhe që të dalin në një vendim.

Pas hapjes së hetimeve për dyshimin se ndeshja Bylisi-Tirana 2-1 është trukuar, seanca e parë në këtë komision u zhvillua më 9 korrik, ku ishin para anëtarëve të Etikës zyrtarët e takimit, pikërisht delegati Besnik Çela dhe arbitri kryesor, Juxhin Xhaja.

Gjithashtu, për të dëshmuar ishin të pranishëm edhe presidenti i Bylisit, Besnik Kapllanaj, trajneri Veljko Dovedan, kapiteni Valentino Murataj (autori i dy golave) si dhe Jurgen Goxha, futbollisti që humbi penalltinë në fund. Tirana u paraqit në seancën e dytë, ku për të dëshmuar ishin presidenti Halili, drejtori sportiv Arbi Laçi, trajneri Emanuel Egbo, kapiteni Erando Karabeci dhe portieri Ilion Lika. Nuk është çudi që sot Etika të marrë një vendim?





Lajmet e fundit nga