web counter
LEXO PA REKLAMA!

SHKARKO APP

App Store
Google Play

Dyshimet për Bylis-Tirana, Duka: Mendoj si tifozët, po bashkëpunojmë me UEFA-n

21 Korrik 2020, 12:43, Sport CNA

Presidenti i FSHF-së Armand Duka shprehu keqardhjen që sfida e parë e gjysmëfinales së Kupës së Shqipërisë Bylis-Tirana 2-1 dyshohet se është trukuar. Nga kantieri i stadiumit të Kukësit ku vëzhgoi sot punimet, Duka shtoi se mendimi i tij për sfidën mes ballshiotëve dhe bardhebluve është i njëjtë me atë të futbolldashësve.

?Ndeshja Bylis-Tirana në Kupën e Shqipërisë ? Nuk do të më vinte mirë që në prag të festimit të përfundimit të një kampionatit të flasim për trukime. Është një dyshim i fortë që ndeshja Bylis-Tirana mund të jetë trukruar. Unë nuk jam jurist dhe hetues. Jap një opinion dhe më është dukur edhe mua si tifozëve të tjerë. Juristët dhe hetuesit po mundohen të mbledhin prova për të parë nëse kemi të bëjmë me një ndeshje të trukuar.

Jo vetëm hetuesit dhe juristët shqiptar, por edhe ndërkombëtarë dhe UEFA në bashkëpunim të ngushtë, po hetojnë që nga dita e parë për të dalë në një konkluzion. Me të vërtetë më vjen shumë keq që në një kohë që Shqipëria u largua shumë nga lista e ndeshjeve të trukuara, detyrohemi të diskutojmë sërish edhe aq më shumë për ekipin që pritet të dalë kampion, bashkë me Bylisin. Nëse vërtetohet që ka trukime, besoj se do të ketë vendimet e merituara për të luftuar këtë fenomen?, bëri me dije Duka.





Lajmet e fundit nga