web counter
LEXO PA REKLAMA!

SHKARKO APP

App Store
Google Play

Kaos te Skënderbeu, gjashtë futbollistë bëjnë gati largimin nga klubi

21 Korrik 2020, 08:02, Sport CNA

Pervec Bruno Ditës, që tashmë është pothuajse i larguar nga Skënderbeu, janë edhe pesë lojtarë që presin të njohin të ardhmen e tyre për sa i përket vijimit të karrierës. I pari me valixhe në duar është Dejvi Bregu.

Sulmuesit vlonjat i ka mbaruar kontrata me Skënderbeun dhe në fund të kampionatit del në treg si lojtar i lirë. Në adresë të vlonjatit kanë ardhur shumë oferta në të kaluarën, por akordi ka munguar.

Në kushte të tilla lojtari po pret vijimin e situatës për të vendosur më pas të ardhmen. Nuk dihet ende nëse Bregu do të zgjedhë mbylljen e bashkëpunimit me Skënderbeun apo do të kërkojë zgjatjen e kontratës në varësi te kushteve dhe planit të korçarëve për të ardhmen.

I dyti në radhë për t?u larguar është Jashanica, për të cilin ofertat nuk mungojnë. Kukësi i trajnerit Shehi duket në radhë të parë për të përfituar nga situata, por nuk është i vetëm. Edhe Tirana kërkon shërbimet e kosovarit për të blinduar prapavijën, por ajo që vështirëson punën e tyre është kontrata aktive që Jashanica ka me Skënderbeun.

Lojtari ka kontratë edhe për gjashtë muaj dhe në kushte të tilla gjithçka është në dorën e Skënderbeut. E njëjta situatë është edhe për Gripshin dhe Krasniqin. Edhe për këta të dy është klubi ai që vendos. Si për durrsakun edhe për kavajasin ofertat momentale mungojnë, por klubi bardhekuq do të vendosë pas vendimit të gjykatës për të ardhmen e tyre.

Ndryshe qëndron puna për Pëllumbin. Një lojtar cilësor që korçarët kërkojnë të arkëtojnë dhe po mundohen të bëjnë lëvizjet e duhura. Për të tilla çështje klubi do të vendosë në fund të sezonit, menjëherë pasi të ketë të qartë vendimin e Gjykatës Federales të Zvicrës.





Lajmet e fundit nga